تأخر وصول العمالة الإندونيسية بسبب خضوعهم لبرنامج تدريبي

أقرت الحكومة الاندونيسية برنامجا تدريبيا تصل مدته إلى 21 يوما للعمالة التي سترسل لدول مجلس التعاون الخليجي وذلك ابتداءا من 10/9/2009 م.
أوضح ذلك رئيس اللجنة الوطنية للاستقدام بمجلس الغرف السعودية سعد البداح مشيرا إلى أن هذا الإجراء سيؤدي لتأخر وصول العمالة وتدفقها خلال الأشهر القادمة ويؤخر كذلك بعض الطلبات ريثما يتم سريان التنظيم.
وقال البداح في تصريح صحفي إن اللجنة تلقت خطاباً بهذا الخصوص من اتحاد العمالة بجمهورية اندونيسيا ( ابجاتي ) يوضح فيه بعض المعلومات عن البرنامج التدريبي والغرض منه في توفير عمالة اندونيسية مدربة قبل إرسالها للدول المستهدفة ، وبناءا على هذه المستجدات نريد أن ننبه المواطنين ومكاتب الاستقدام للإحاطة بهذا الأمر الذي سيؤثر في تدفق العمالة الاندونيسية لفترة محدودة .
يذكر أن موضوع تدريب العمالة الاندونيسية كان أحد نقاط النقاش في لقاءات الجانب السعودي والاندونيسي خاصة بعد مطالبات اندونيسيا رفع أجور عمالتها حيث اشترطت اللجنة الوطنية للاستقدام حينها لتحقيق هذا المطلب عدة اشتراطات كان من بينها تدريب العمالة الاندونيسية.
الله يعقل وتجي الشغاله امينه بنت نطوري
ياليتك يالبداح تترك تستقيل أو تترك هاللجنة اللي والله ماشاف المواطنين منها خير وأنت فيها إلا اللهم هالتصريحات الفاضية ، وبعدين هالبرنامج التدريبي اللي مدته واحد وعشرين يوم والله ما منه فايدة وما رايح يغير سلوكيات هالخدامات ولا رايح يقدم أو يطور شيء فيهم ، صحيح إنك قدمت تنازلات لبعض الدول على حساب المواطنين ، أيها البداح ! أسألك وأتمنى إجابة صادقة !!!!
هل أجور الخادمات لدينا في السعودية مثل أجور الخادمات ومن نفس الجنسية في كل من : ( الكويت - البحرين - قطر - الإمارات - الأردن - سوريا - لبنان ......) أجبني وبكل صراحة ، أما أنك تذهب لبعض الدول ويملون عليك شروطهم وأنت فاتح فمك فهذا والله مارايح يسامحك عليه أي مواطن ، أتمنى أن تكون شفافا وصادقا مع الغير ، وإلا أترك هاللجنة عسى الله يأتي لها بخير منك . وماذا قدمت أخيراً للمواطنين غير ( الرواتب المرتفعة والشروط القاسية وكثرة هروب الخادمات مباشرة بعد إنتهاء فترة التجربة العقيمة والمحددة بثلاثة أشهر ، وكثرة خسائر المواطنين وضياع حقوقهم بعدما ضمنت للخادمة حقها بالكامل .
كلامك عين العقل يا اخوي سلمان
يا اخي ما دامك اشتهرت يا البداح وعرفوك الناس نبي واحد ثاني لان اصلا كل السعوديين يحبون الظهور والشهرة وانت يا البداح خلاص انشهرت وسبق ان قدمت برنامج من زمان في التلفزيون السعودي والان انت تقاعدت من وزراة الاعلام وش تبي ترا الموضوع مهوب مسلسل تركي عشان تقعد في هذا المنصب فيه ناس ودها تسوي شي للمواطنين وانت اخذت حقك الله يجزاك الف خير فارق
والله ما شفناك الا وشفنا الشر مع هذولا الاندنوسين تقول شيخهم كل يوم راز وجهك في الجرايد وتسمعنا كل خبر شين ليتك تسمعنا باخبار زينه الا شينه
جرب غير هذا المنبر الله يبارك فيك
ههه
أخشى أن يكون التدريب على السحر والشعوذة
أقول يالبداح وش أخذنا من هذاالتدريب ....والله ماأخذنا إلا طولة اللسان والنفس الخايسة من هالشغالات
انا اللي أشوفه أنكم تعاملونهم كأنهم هم المواطنين واحنا اللي نشتغل عندهم تقدر تقول لي وش الشروط اللي شرطتوها عليهم تكون في مصلحتنا يالمواطنين ...هذا احنا نسلم 10000ريال عشان نجيبهم وتأخذ لها 3شهور على حسب اتفاق بينها وبين المكتب دائما ( انا ماأظلم كل المكاتب طبعا ) ..وبعدين ترفض العمل بأي حجة وش العمل الحين والله ..الله لايهينك ياكفيلها سفرها على حسابك وسلمها رواتبها طيب والكفيل وش استفاد الحين ولا شيء إلا خسارته أكثر من فائدته بيدفع الحين 8000ريال الله لايهينه عشان يقدم على شغاله ثانية .....ويمكن تجي شغاله أدمر من اللي راحت ....وبعدين طيب ...إلى متى هذي الحالة .....ياخي ليه ماتفرضون على كل شغالة مثل الضريبة تدفعهاللدولة لإي مسؤؤل قبل ماتجي وإذا كملت سنتين أو أربع سنوات لإنه مو معقوله كل سنتين بدفع 10000ريال تأخذ فلوسها على داير مليم على قولتهم وإذا مادفعتهم فالفلوس هذي من حق الكفيل لإنك ماكملتي المدة المتفق عليها ........والله انا ماأحبهم ولاأحب مطالعهم بس بيتي كبير وانا موظفة ....وهذا بحد ذاته يكفي أترك لها البيت لمدة ست أو سبع ساعات تقدر تسوي في اللي تبي ....بدون ماتدري راعية البيت .....طبعا البيت فاضي والعيال في المدرسة ....تسرح وتمرح على كيفها ....ولا الشغالات اللي يقتلون العيال ولا يسحرون الناس تسافر بلدها ولاكأنها سوت شيء ....وبعد كم سنه ترجع مرة ثانية تشتغل يأخي خلاص اللي ترتكب جريمة أيا كانت المفروض تنمع من أنها ترجع للبلد هذي أو إذا كانت قاتلة يقام عليهاالحد سواءا سرقة أو قتل أو غيره ...
والله ماصارت عندنا سالفة إلا هالشغالات نجيبهم ونلبسهم ونأكلهم ونشربهم من أحسن الأكل واللبس وتدلع علينا ولا وفوق هذا غذا ماعندها جوال نخليها تكلم أهلها من جوالاتنا على حسابنا ياليته يثمر فيهم ذا الشغالات وخصوصا الإندونسيات ....وكل هذا بسببك يالبداح أنت وأمثالك لأنها جايه وعارفة أن القانون في صفها ....والله إني أطلع على عقد تقديم شغالة مافي ولا شيء يخدم الكفيل كل الشروط تخدمها هي لو نروح بلدهم ماعزونا مثل مانعزهم .....
أعيدوا النظر ولاتفكرون أن احنا نجيبهم عشان نتباهى ...لأني نفسي اتباهى للناس إني ماعندي شغالة .....وجيبوهم الله يخليكم بدون تدريب ...اللي ماستفدنا منه شيء
والشيء الثاني إذا خدمت سنتين ...وقالت يامدام بسافر وبرجع ونسوي لها ذهاب وعودة وبعدين تقص علينا ولا ترجع ..زشيقول القانون هنا والله يافلان مالك تقديم إى بعد ماتكمل شهرين ....ليش والله يمكن ترجع .....يعني انتو تراعونها هي ولاتراعوني انا المواطن وأنتو عارفين غنهم كلهم كذابين لما يقولون كيذا ...ومع هذا يظل القانون في صفهم ...لا ويبقون إجازة بعد ....كن مااقول إلا الله لايحللهم ولا يبيح منهم ....وأنت بعد يالبداح كل واحد له يوم يتحاسب فيه على الظلم ....فكر في هذا الشيء يالبداح