اعتدى على رب المنزل وسرق 292 ألف ريال ... القبض على سارق منزل السليمانية بعد ست ساعات من جريمته

في إنجاز أمني جديد استطاعت شرطة منطقة الرياض ممثلة بشعبة التحريات والبحث الجنائي مساء أمس من الاطاحة بجانٍ من جنسية عربية اقتحم منزل أحد الجاليات الفرنسية بحي السليمانية واعتدى على صاحب المنزل بالضرب وقام بسرقة ما معه من أموال.
وتعود تفاصيل الحادثة إلى أنه وفي تمام الساعة الثامنة مساء أمس دخل أحد أبناء الجاليات الفرنسية منزله بحى السليمانية ليواجه شخصاً مختفياً خلف الباب ولحظة دخوله أنهال عليه بالضرب من الخلف وبعد أن تمكن منه قام بسرقة (مائة واثنين وتسعين ألفاً وثمانمائة ريال سعودي) ومبلغ ألفين ليرة لبنانية وثلاثة دنانير بحرينية ومائتين وخمسة عشر درهماً اماراتياً وثمانين يورو.
وإثباتات شخصية للمجني عليه وبطاقات الصراف وجوالين وبطاقات عمل وجواز سفر .... وعلى الفور توجه المجني عليه لمركز شرطة السليمانية وقدم بلاغاً بالحادثة وبأوصاف الجاني، وتم تمرير كافة المعلومات لشعبة التحريات والبحث الجنائي وعلى الفور وجّه مدير الشعبة بتشكيل فريق مختص من وحدة مكافحة جرائم الأموال التي نشرت فرقها داخل العاصمة والتوغل داخل محيط المشتبه بهم، وبفضل من الله أسفرت التحريات المتخذة وبعد مضي ست ساعات من وقوع الجريمة من الاطاحة بالجاني بحي الواحة شمال الرياض وعثر بحوزته على جميع المسروقات المالية والمتعلقات الشخصية للمجني عليه وما زال التحقيق جارياً لمعرفة أسباب ودوافع ارتكاب هذه الجريمة.
الجنسيه لها دور في سرعه أكتشاف الجريمه.
اقتباس : من جنسية عربية اقتحم منزل أحد الجاليات الفرنسية بحي السليمانية واعتدى على صاحب المنزل بالضرب وقام بسرقة ما معه من أموال.
السؤال الي يطرح نفسه مالذي سوف يحصل وما هو رد وحدة مكافحة جرائم الأموال لو تمت نفس السرقة لشخص سعودي ؟
لو هو سعودي ماجبتوا خبره يا حكومه ..حنا كل يوم ننسرق ولا أحد حولك أنشررررررروا ياديموقراطيين(؟)
والله لو سعودي يقيدونها ضد مجهول
المشكله هالاجنبي معه كل هالمبلغ الضخم واحنا تجي تنفش في البيت كله ما تطلع
الا بالرسيفر كأغلى شي بالبيت
الله يرزقنا صايرين اصحاب البلد وافقر ناس والاجنبي هو الي مرتاح
لو المجني علية سعودي كان ماجابوة ولادريوا عنه بها السرعة
مامداه يبلغ الى الجاني مقبوض علية الله لنا الي تبلغ ويقولون لك راح لداركم ونتصل اذا قبضنا علية وانت علابالك بيقبضون عليه غير الجنسية وشف بيسون اية .
ماقول الى الله لنا
لو كان المسروق سعودي كان اكتفو برفع البصمات
ياليتني فرنسي!!
كان رجع حلالي المسروق من شهر كامل!!
ولا قعد يقنعني الضابط انه : اذا سلم العود .... الحال تعود !!
ولا خوفني الفرد : تخيل ان أهلك موجودين في البيت وقت السرقة ؟؟ أحمد ربك ياخي .
الحمدلله ... قدّر الله وماشاء فعل
متى يجينا الدور في الإنجازات الأمنية
الله اكبر بس
عشانه فرنسي جبتوه
وعندنا بشرق الرياض انواع السرقات تصير
ولا جبتو احد منهم
اشيرواالى جنسية الجانى اما ان تشيروا اذا كان الجانى مواطن وتخفون الجنسيه اذا كان مقيما فهذا تجنى على المواطن ولماذا لم توضح مادام قبض عليه وللاسف هذا ديدن كل الصحف الورقيه واللاكترونيه وكل الشكر لرجال الامن ليت الناس يعرفون كم يعاتى هولاء الرجال
اييييه دنيا
لو ان اللي منسرق سعودي ماسووو هالفرق والدوريات والبحث والخرابيط
كان قالوا راجعنا بكره اصبر حنا ارسلنا دوريات حنا مدري ايش
وهذا الفرنسي لا يزعل علينا بسسسسسرعه وفي ست ساعات !
الله كريم بس
علشان إن المسروق فرنسي وإلا كان
أبشر بطولة سلامة يامربع
طيب انا سرق بيتي 4 مرات وسرق ما يقدر ب 100 الف ريال
وسرقت سيارتي مرتين وسياره السائق مره
وبت اخوي مرتين
والى هذي اللحظه ما عثروا على السارق
ليش لاني مواطن سعودي وهذا لبناني ومتجنس فرنسي
بس ست ساعات . حلو
علشانه فرنسي لو سعودي كان انتظر اتصالنا بك .
لازم يكون الواحد أجنبي علشان تتحرك القوات وينكشف السارق
كل يوم سرقات منازل للسعوديين ولا حس ولا خبر
ياليتني مسيحي يهودي بس أجنبي ..أه يا بلدي تفو عليكي
أنجاز جديد يضاف الى انجازات الأمن فيما يتعلق بأمن وحماية الوافدين والمقيمين فقط اما غير ذلك فلا أنجاز وذلك ليس أنحياز فالشواهد كثيرة على أرض الواقع .
والله من اول ماقريت الخبر استغربت بس ست ساعات والله انجاز.........
بس يوم كملت الخبر ضاق صدري فرنسي اذا عرف السبب بطل العجب
الله المستعان ...
أنا مرة والله يأخوان سرق من سيارتي مبلغ بحدود الثلاثين ألف المهم قلت عليه العوض ومنه العوض ، أخوي ضابط وأصر إلا نبلغ قلت يالله لعل وعسى المهم لما بلغنا سألني الضابط كم المبلغ المسروق ؟ قلت بحدود ثلاثين ألف .....
وش تتوقعون قال الضابط ( قال يا حظه ... يقصد الحرامي ) بالله هذا رد ضابط ورجل أمن ..
الله يخلف علينا
ياجماعه وياجهات امنيه السؤال الاهم والذي يحتاج اجابه شفافه ومعلنه ماهو مصدر هذا المبلغ الكبير مع اجنبي ونسبه كبيره من شباب البلد طفران ولاهوب لاقي وضائف ولاقبول بالجامعات ........نحتاج دراسات واستبيانات مدعمه بالارقام الكل مايدور خلف الكواليس من معاملات اداريه وماليه وماهي مصلحتنا من المساعدات الخارجيه للبنان وبنقلادش ماجابت لنا الا عوار الراس؟؟؟؟؟,,,,,,, الله يكون بعون الاجيال القادمه
السؤال الغريب ليش لم يفصح عن نوعية هذه الجنسية العربية كما تفصحون عن السعوديين اذا ارتكبوا جناية وخاصة اظهار الاجنبي من الخلف او مشوشة صورته المفروض اظهار الصوره واضحه ومكبره وتطبق على جميع الجنسيات ليكون المخطيء عبرة للاخرين وصدقوني ستحد من الجرائم اذا شهر عبر الصحف ... وهذا هو الصح وبكيفكم ...
صحيح انه ضيفنا وبذمتنا وعى مسؤليتنا لكن السؤال اللي يسدح نفسه وومهم جدا هل هذا ديدن الشرطة؟؟!!! ياجماعة الخير الناس زادوا يمكن مية وخمسين بالمية والشرطة والمرور على حاله ان الله ليزع بالسلطان ملا يزع بالقران
لو اني فرنسي يوم تنكسر قزازة سيارتي الجديدة كان قد قبلوا يسوون لي بلاغ ويمكن لقوا اللي كسرها
واحتمال أكيد إن ابلقى تعامل لطيف
لكن علشاني سعودي رفضوا يسوون لي بلاغ يقولون ماله فايدة
ورفضوا يرسلون أحد ياخذ البصمات
ورفضوا يرسلون دورية عند البيت يوم واحد فقط علشان يخوفون اللي سواها ؟؟
ارفع راسك انت فرنسي
المبلغ اللي بالعنوان يختلف عن اللي بتفصيل الخبر
إيه إلحين اقتنعت إن الشرطة إذا بغو الواحد جابوه لو هو تحت الأرض
كل هذا عشانه أجنبي أما السعودي منا وبنا خله يسرق وش عليه
اتفق مع الجميع ولكن هذا السارق (من جنسية عربية)
فهل سيطبق عليه الحد كما هو الحال باليمني الذي قطعت يده ؟؟؟؟
يجب تطبيق الشريعه الاسلاميه في حق الجاني ولا غيرها ,,,,,
وهو .....
قطع يده ...
والا على الدنيا السلام......
لو المسروق سعودي
كان قالوا له بنتصل بك
.
.
ولد عمي انسرق منه جيب تويوتا جديد
في الدمام
ويوم قام يصايح في الشرطه قال له الظابط
يابو تراك ازعجتنا بلا بربره
منت اول ولا آخر واحد ينسرق
ولحسن الحظ
كان فيه عسكري منسحب من الدوريه
ونايم تحت كبري النابيه
وكان قد سمع البلاغ عن اوصاف السياره
العسكري مخبي الدوريه تحت الكبري في حفرة شيول
ونايم تحتها
وفجأه سمع صوت سياره مسرعه مع الطريق الترابي
رفع راسه الا وهي السياره المسروقه
بلغ
وانتقلت الدوريات
للموقع ولقيوه عالق في التراب بالسياره
وحاصروه من ثلاث جهات عشان يلاقي فرصه يهرب
لانه مسلح ولايبون شره
ابن عمي اكثر من مره وهو يحاول يهجم على السارق بسلاحه الرشاش
والعساكر يمسكونه
اخر شي كلبشوه على قولتهم حفاظا على حياته
..
السارق اتصل بالثريا
وبعد ربع ساعه جات سياره كبسوله قصير
واخذوه من الموقع
ويوم ابتعدوا الحراميه
هجموا رجال الامن على السياره
وكل واحد فيهم يهايط ويصيح وينتخي
وولد عمي مكلبش
ورجعو فكوه وعطوه سيارته
وقال له الظابط احمد ربك
اول مره نحصل سياره مسروقه
وتيتي تيتي انتهت الحدوته
أحد الجاليات الفرنسية هذا اللي جعلها ترجع بسرعه وإالأ اذا جيت تبلغ ما لمك احد إلا جندي يقول احمد ربك بعضهم تسرق سيارته وبها زوجته وبعدين منين له كل هالأموال لازم يحقق معه منين جابها لايكون يبيع خمر وإلا بلا اذا دخلت سوريا ولاسجلت جميع الأموال اللي معك اذا اردت الخروج اخذوها منك فلماذا يطبق علينا ولا يطبق في بلدنا على الأخرين
لاشك انه فعل قبيح سرقه واعنداء وبما ان المبلغ رجع الى الرجل الفرتسى يجب جلد الرجل داخل قسم الشرطه على رجليه وظهره وترحيله الى بلده ويستحق من الجلد 60 جلده مع اخذ بصماته ومنعه من دخول الوطن مرة ثا نيه
لو هو سعودي كان قال له انت شاك بحد رح دوره
وانا اللي تطير عيوني يوم قال 6 ساعات
اثر المسروق فرنسي
قلتلكم من قبل خلونا نقتلب اجانب والله ان تحشمنا الحكومه
ومن قوة الحشيمه ماقالو جنسية العربي خ
يعني تحشم لاصرت خليجي ولاصرت عربي تزود الحشيمه شوي همن عاد اجنبي اوووه فوق الراس خخخخخ
الجنسية تلعب دور كبير
لو المجني عليه سعودي كااااان يردد يليل مطولك .....لكن فرنس شغل اجنبي
نشوف وش بيسوون في السارق مثل أصحاب الخروفين ولا 292 الف شويه يمكن علشان المسروق فرنسي هه يزودون ويخلونها شهرين
الله يكافينا شرالسرقات ويعزدولتنا في ضل خادم الحرمين الشريفين