بالصور...( عاجل ) تكشف مراحل العثور على مواطن تاه في الصحراء

تمكّن طيران وزارة الداخلية ( الدفاع المدني ) من العثور على المواطن خالد الشيباني في منطقة صحراوية تبعد (65 كيلومتراً جنوب محافظة الحوميات غرب منطقة الرياض).
أكد ذلك الناطق الاعلامي لطيران الدفاع المدني النقيب بندر العتيبي، الذي أوضح أن غرفة عمليات الدفاع المدني تلقت بلاغاً من أحد أقاربه يفيد بتغيب الشيباني.
وأضاف: «تم تحريك إحدى طائرات البحث والإنقاذ التابعة لوزارة الداخلية يرافقها طاقم متكامل صباح أمس، واستخدم فريق البحث والإنقاذ تقنية الكاميرات الحرارية الحديثة، قبل أن يتم العثور على المواطن وهو في صحة جيدة. وكان يعاني من بعض الإعياء البسيط وسلّم للهلال الأحمر لنقله للمستشفى لإجراء بعض الفحوصات الطبية الأولية للاطمئنان على صحته.
وطالب العتيبي المواطنين والمقيمين بأخذ الحيطة والحذر والتزود بالحاجات اللازمة عند التوجه لمثل هذه الرحلات البرية، وأن يبلغ الشخص ذويه عن وجهته، والمسارعة بالاتصال بالجهات الأمنية في حال تعرضه لأي طارئ.
صور مراحل العثور
أ و ل 001 هههع
الحمد لله على سلامته
وشكرا لمن قام بمساعدته
تقل فلم
الحمد لله على سلامته والله أني ماتمالكت دمعتي يوم شفت الرجال يسجد شكر لله
الحمدلله على السلامه العشاء اليله عندي ببريدة
حمداً لله على السلامة
وعلى عودة الحياة
ولكن الملاحظ بالأمر دائماً من الذين يحبون المغامرة
لا يحددون لأي شخص وجهتم
لأن بالتحديد يحفظ الأنسان نفسة بعد حفظ الله
وأخيراً جهود مشكورة للمهمات الأمنية التي عثرت على
الأخ
وبعدين لا تعود له هداك الله
ههههههههه
الحمد لله على السلامه
والله ضربه من العيار الثقيل انا ما كنت متصور ان المواطن السعودي له كل الاهتمام هاذا
شكرا ناصر الادغم على الاكشن الرائع
تحياتي طاير
الحمد لله على السلامة
والله مايستاهل ابو رحيم
الحمد لله على سلامته انكتب له عمر جديد
ماشاء الله هليوكوبتر مره وحده
حمدالله على سلامته
وهذا الوطن يابن الوطن عساه على القوة
الموت حمر
وش تبون بهالطلعات خلوكم على كشتة قريبه من الخط والحمدالله مهب لازم تغصون
همن تضيع علومكم
الحمد لله على سلامته
ويقر عين أهله وعياله بشوفته
لكن مسألة أنه طيران الدفاع المدني
يطلع ويحلّق في السماء بمجرد وصول أي بلاغ
ف هذي كثّروا منها !!!!!!!!!
شي أكيد أن الموضوع فيه واسطه
لإنه ناس كثير يموتون ويغيبون أيام كثيره
والدفاع المدني مايكلّف نفسه ولا يتعّب طياراته
وإذا سألتهم ليه ؟
قالوا : ننتظر أوامر عليا !!!!
يعني لا أحد يفرح ويفكّر أن المواطن مهم
وأنه أخيراً المواطن راح يحس بقيمته وأهميته في الوطن
الحمد لله على سلامته .
والبحث عن المفقودين فيه اشكاليه في السعودية لأمور:
-كبر مساحة المملكة -حرسها الله-.
-ان البحث لابد أن يكون بأمر سلطات عليا , وليس فيه مرونة بمعنى أن يكون له آلية سهلة ولا يكون فيه مركزية في القرار , فقبل فترة جاء الاذن بالبحث عن خمسة شبان بعد فقدهم بخمسة أيام من الأمير سلطان شفاه الله ؟؟؟؟!!!!
الحمد لله على سلامته والله أني ماتمالكت دمعتي يوم شفت الرجال يسجد شكر لله
والله اوافق الأخت نوره على وجهة نضرها يكون عندك واسطه ابشر والله بسعدك والله
لو انت ضايع بالقمر جايبينك جايبينك اما اذا ما عندك واسطه ردد ياليل ما اطولك والله
لو انت ضايع وراء بيتكم ان تموت ما جاك احد
الحمدلله على سلامتة ... وكل الشكر لطيران الدفاع المدني ( طيارين ومهندسين جويين وفنيين ) على الجهود اللي بذلوها حتى تمكنوا من الحصول على المواطن الأخ / الشيباني .... وشكراً عاجل على الانفراد بتنزيل الصور بس الغريب ان مامعهم دكتور !! لأن وجود الدكتور مهم واساسي في حالات البحث والأنقاذ
الله يعطيكم العافية
صراحه مجرد أنقاذ هذا الشخص ورجهته لعياله ودعوة أولاده للقائمين على هذا العمل ............يسوى الشئ الكثير
وشكرا للدفاع المدني والقائمين عليه وبيض الله وجهكم... ونبيكم كذا تجيبونه حي مو ميت
عساها فاتحت خير على بلدنا طيارة مرة وحدة ...
لي عتب ياعاجل ..المهنية الاعلامية تحتم عليكم عدم نسبة الموضوع لكم وحدك ..
قلتم (عاجل تكشف بالصور) يعني انتم الي كشفتم وحدكم ..بينما سبق هذا الخبر من أمس بين صفحاتها واختارت الصور المفيدة مو مثلكم منزلين فلم كامل ثلاث صور في صورة وحده ...
تقبلوا تحياتي
أخت نورة .. احمدي الله على الستروالعافيه
والمواطن السعودي في نعمه نحمد الله عليها
والحمد لله على سلامة الشيباني ،،،،
للاسف يا
00نورة انتي ظلما مو نور
وادعي الله انه مايحيجك للدفاع المدني واللا ابعرف اذا احترق بيتكم وما لك سيطرة عليه وش راح تسوين
او طفل صغير طاح بالخزان او........غيره ..وغيره
اما الاخ المغترب
فيناسبك لقبك لانه ما يحكي عن الوطن واحد منه وفيه
يعني مجرد واحد مغترب وما يهمنا رايك
غريبة طائرة عامودية شكله عنده فتمين ((واو))
لكن الحمد لله على السلامة
قسم بالله أنكم ابطال ياصحيفة عاجل بيض الله وجيهكم الصحيفة الوحيدة اللى جابت هالصور اهنيكم على مصداقيتكم ودقتكم بنقل الخبر بالصور وأنا متاكذ من بكره كثير من المواقع بيسرقون الخبر وبينسبونه لانفسهم
أستمرو بابداعكم ومصداقيتكم لاهنتو
الحمدللة ابوسامي
والله قممممممممة المسخرة , بالله تخيلوا لو كان في أحد الدول الغربية كان معاهم فريق طبي متكامل في حال وجدوه في وضع صحي صعب مثل الجفاف أو يكون مصاب إصابة بليغة لا تنفع معها الإسعافات الأوليه , ربعنا طالعين على البركة لا فريق طبي لو ممرض على ألأقل ما فيه , وكل الرحلة شغالين تصوير في تصوير وارفع يديك عشان نصورك واللي قاعد يتميلح عشان يطلع في الصورة وووووو
المفروض يشيلونه بنقالة (سرير) من الصحراء ويعطى العلاجات اللازمه أكسجين وغيره وحتى وصولة لا توجد سيارة إسعاف تستقبله للإطمئنان فقط هههههه يا جماعة حتى نزوله من الطائرة بدون سلم وهو في مثل هالحال هلخ وخوف وتوتر والله مسسسخخخخخخخخخرة .
الحمدلله على سلامته عموما والله إنه سلم برحمة الله فقط
عاد وشوله كثر الصور لقوه والحمدلله /
تذكرت 911 ناين ون ون الا على فكره وش صار على غريق عنيزه بواي الرمه بشرونا عساهم لقوه
السلام عليكم
اول شيء اشكر الدفاع المدني على المجهود الي بذلوه
ثاني شيء الموضوع لا واسطه ولا شيء
انا سألت احد الطيارين بالدفاع المدني عن الموضوع واجاب بأختصار
لا قدر الله وفقد لك قريب او صديق اول شيء بلغ العمليات على 998 واطلب البحث عنه بطياره بعدين بيحولونك او يستدعونك الطيران وتكمل بعض الاجرارات وبعدين تقلع الطياره . يعني مو معقول اي بلاغ يشغلون الطيارات خذوها بالعقل يعني
المشكله كل الي ينتقدون ما قد جربوا بس يسمعون وهم مثل الببغاء يكرر الكلام
ما ادري وش يعجبكم قولوا لي شيء عاجبكم
الهيئه والمرور والشرطه والدفاع المدني والصحه والتعليم والجوازات كلها مو عاجبتكم
الى متى الانتقاادات الباطله الى متى الى متى الى متى !!!؟؟؟
الحمدلله على السلامه
السياره وش صار عليها سحبوها بطياره ولا خلوها ??
والله شعب مايستاهل هذه المجهودات الكبيره التي تقدم
شعب دائماً متذمر من كل شي
يا اخي روحوا لدول كبيره سواء عربيه او اوربيه
لن تجدون مايقدم مثل مايقدم ببلادنا هذا اذا هذه الدول عطتكم وجه اصلاً لكن اولياء الامور يحفظهم الله عندنا يبذلون ويوفرون امكانيات تتعدى الامكانيات التي تقدمها دول لها وزنها العالمي ولن تجدو مثيلاً لماتقدمه الدوله اعزها الله
هنا يصاب المواطن بقمة الاحباط عندما يراء جهود كبيره وامكانيات لاتتوف الا بدول متقدمه والحمدلله لدينا ماوفرته حكومتنا امكانيات يستغرب منها انها موجود بالعالم الثالث الذي يعتبر متخلفاً ..
لكن بودي ان تقوم الحكومه حفظها الله بتوفير مواطنين يحمدون الله على نعمة الامن ونعمة الجهود الكبيره التي تقدم لهم
ويحفظون المواطنين المتذمرين من كل شي في ادراج التاريخ
صدق من قال الجهل عدو نفسه وهذه الفئه من الشعب يرغب بالنقد لاغير حتى لو قامت الدوله بادخاله الجنه صدقوني سوف يتذمرون لنهم لايستحقون مايقدم لهم
نايف بن عبدالعزيز ونائبه احمد بن عبدالعزيز ونائبه محمد بن نايف
من مواطن يقدر مايقدم لاخوانه اقول اللهو اجعل ماتقدمونه لخدمة ابناء شعبكم في ميزان اعمالكم
أبو رياااااااااااااان
الحمد لله ع العافيه والستر
لكن كلامي مش من فراغ
الأخت الصاااااااابره
والله يا أختي أنا ما تكلّمت إلاّ بالواقع
وعن نفسي أحتجت لطائرات الدفاع المدني
لإنه كان أحد أقاربي مفقود في الصحراء
وللأسف ماكان عندنا واسطه والنتيجه أنه الشخص المفقود توفي !!!!
وبعد كذا تقولين مافيه واسطه ؟؟؟؟؟
ونفس الوضع مع طائرات الإخلاء الطبي
أحتجنا لها بعد إصابة أخوي في حادث سياره
وجلسنا شهر كامل وإحنا كل يوم نروح من مكتب لمكتب
عشان نبحث عن واسطه تجيب لنا طائرة إخلاء طبي
والموت ماينتظر عطف وتكرّم المسئولين
مات أخوي والسبب التأخر في نقله وتوفير طائرة إخلاء طبي
شفتي كيف الواسطه تحدد كل شي
أتمنى تشوفين الواقع بكل تفاصيله
الحمد لله على سلامته
ويقر عين أهله وعياله بشوفته
لكن مسألة أنه طيران الدفاع المدني
يطلع ويحلّق في السماء بمجرد وصول أي بلاغ
ف هذي كثّروا منها !!!!!!!!!
شي أكيد أن الموضوع فيه واسطه
لإنه ناس كثير يموتون ويغيبون أيام كثيره
والدفاع المدني مايكلّف نفسه ولا يتعّب طياراته
وإذا سألتهم ليه ؟
قالوا : ننتظر أوامر عليا !!!!
يعني لا أحد يفرح ويفكّر أن المواطن مهم
وأنه أخيراً المواطن راح يحس بقيمته وأهميته في الوطن
صح السانك كلام سليم 100/100
شوف لاحد يجي الحين يقول الكلام هذا عير صحيح ويخالف الواقع
ولاحد يفكر انه اكثر وطنيه من اي شخص ينتقد و يكتب الواقع
الواسطه موجوده
الله يحفظك يا الشيباني والحمدالله على السلامة
على اي اساس يقول البعض مافيه طبيب؟؟..ناس تتكلم بدون علم..
الشخص اللي تشوفه مدرب على الاسعاف والانقاذ ويقدر يتعامل مع الحاله .. ثانيا لو الاخ الي قاعد ينتقد وما فيه شي عاجبه بكلف على نفسه ويدقق في الصور داخل الطائرة بيشوف السرير الطبي والنقّاله ..واذا الشخص بصحة جيده مو ضروري تستخدم... هذا غير اتجهيزات الاخرى الي ماظهرت في الصورة
اما بالنسبة للواسطات فلم يسبق ان سمعنا بشكوى من هذا النوع
الاخت نوره
الاخ عسيري
يا اخي لااختلف معكم بموضوع الواسطه فنحن العرب نقدر شي اسمه واسطه لكن من باب مايطلع لنا بالصحافه وقولة الحق ولي الامر يحفظه الله والقائمين على وزارة الداخليه وعلى رأسهم الامير نايف بالذات يؤدون عملهم بكل اجتهاد وحسب الامكانيات وحسب الاوامر التي تعطى لهم وهذا شي بديهي جداً فلن يستطيع اي من كان بتعدي الاوامر مهما كان فهذه سياسة دوله تقوم على ضبط الاوضاع وتعطي كل صاحب حق حقه مهما كان هذا المواطن سواء مواطن واصل او مواطن عادي بلا واسطه ..
اما مسئلت الواسطه في موضوع الشاب هذا الذي فقد في الصحراء فاعتقد ان ماله واسطه والدليل ان الشاب بقاء مفقود طيلة الابعة ايام الماضيه قبل فين كانت هذه الواسطه
يا اخي كل شي وله اجراءات وضوابط فلن تجد اي من كان ينفذ طلبك الا بعد الاجراءات الرسمية واخذ الاذن من الشخص الذي يملك القرار
فلديك المستشفيات فلن تستطيع ان تدخل الا اذا وجد لك ملف وبعد مراجعة اقسام المواعيد وبعدها تتمكن من العلاج فتخيل انك تأتي الى مستشفى بدون اثباتات وتريدهم يعالجونك اعتقد وصلت المعلومه
فهنا فيما يخص مساعدة المواطنين عن طريق طائرات وزارة الداخلية اعتقد ان لها اجراء يجب ان يتخذ قبل اقلاعها للبحث والمساعده فهذا الشي من البداهه وليس كل من هب وارد طائره قام الطيار وشغل طيارته وقاله اركب وابشر وشف القدوع والقهوه في المرتبه اللي وراء ههههههههههههههه بلا اوامر بلا هم
هنا يقف الوضع على ضوابط وروابط حتى لو في شركات خاصه فلن تجد من يخدمك ويساعدك الا صاحب الامر الذي يدير الوضع
فالوضع في اي دوله لن تستطيع اي طائره ان تقلع الا بعد اخذ الاذن ؟؟؟ قلت الاذن ولم اقول ياخذون الاذن من روسهم وبالفزعات
يجب ان نشكر من يستحق الشكر خاصه موظفي الدفاع المدني فبدونهم لن نراء مثل هذه الطائرات في بلادنا لنهم من المؤكد انهم طالبوا توفيرها من ولاة الامر ووضعوا المبررات حتى راء ولي الامر فعليا انهم بحاجه لها وقد وفرت لحاجة المواطن ولم توفر لحاجة المسئول
ارجوا اولاً عدم بخس افعال الجهات خاصه فيما يقدم لخدمة البلد ومواطنيه
تمنياتي للجميع بالتوفيق
اتفق مع الاخ فلبيني
فيما قاله يجب ان لاينكر مجهوادت الدفاع المدني ويجب ان يشكروا لا ان يتم الاستنقاص بمثل هذه الاعمال مهما كانت المبررات ..
وفي تصوري الخاص ان المواطن قد غامر بالدخول في هذه الصحراء بمكانيات سياره ليست دفع رباعي ومن الصوره نراء ان الكثبان الرمليه عاليه جدا وكثيفه ولاتستطيع اي سياره دفع رباعي الدخول والخروج منها بالساهل فكيف بوانيت عاديه
اعتقد ان تعليمات الدفاع المدني لايتخذها الكثير بالحسبان وهذا مايجعل الكثير منهم يعرض نفسه للخطر
عمل جبار من الدفاع المدني خاصه الامكانيات المتوفره لديهم عاليه يستحقون الشكر عليها ..
واخيرا الحمدلله على سلامة هذا الشاب ورجوعه سالماً لاهله ..