أكبر حملة إعلانية يشهدها مهرجان الكليجا والمنتجات الشعبية لدعم الأسر المنتجة

أكملت اللجنة الإعلانية للمهرجان التي يرئسها الاستاذ عبدالعزيز المهوس عضو اللجنة التنفيذية ومدير خدمة المجتمع بأمانة القصيم , خطتها الإعلانية في النشر والتعريف بالمهرجان حيث تعد أكبر حملة إعلانية على مستوى المهرجانات بالمنطقة وعملت على انتشارأكثر من 500 لوحة إعلانية لمهرجان الكليجا في معظم مناطق المملكة العربية السعودية ( الشرقية الرياض المنطقة الشمالية جدة مكة الطائف حائل) وجميع محافظات القصيم ( الرس عنيزة البدائع الأسياح المذنب )
وقد تم الإعلان في أكياس المخابز المحلية والصحف الإعلانية بالقصيم ولوحات اليونييبول والموبي ولوحات التقاطعات الرئيسية ولوحة على طريق الرياض القصيم السريع ولوحات بمطار القصيم الإقليمي و 200 لوحة من ميقا وطباعة كتاب الكليجا زاد الأجداد واستثمار الأحفاد وتوزيع البروشورات بالفنادق والشقق المفروشة بمنطقة القصيم ووضع أعلام على الشوارع الرئيسية ببريدة .
وتم توزيع أكياس تسوق وتوزيعها على المصانع والمحلات المشاركة بالمهرجان .
ياخي الناس طلعت للقمر واكتشفت عقاقير ونووي وانتم الى الحين على الكليجا
ياسلام على هكذا مشاريع واعمال منتجة في البلد
شئ يسر الخاطر
عساكم على القوه والله يوفقكم
وننتظر عنيزه بالتقليد كما قلدو بمهرجان التمور خخخخخخ
إنما الصدقات للفقراء والمساكين ، تصدقوا للأسر المنتجة
مو تكدون عليهم بكليجا.
ماشاء الله عمل جبار واحياء تراث اعمال المنزل للأمهات ورسالة للبنات للاخذ من هذا التراث العميق ....
مامعنى اهتمامهم بالكليجا ؟
مالفرق بين مهرجان الخضار الصحي ومهرجان الكليجا ؟
هل هناك مقارنة بين فعاليات عنيزة ومهرجانات بريدة؟
المهم في كل هذه الاشياء الكيف وليس الكم
اشكر القائمين على هذه الاعمال والمنافسات في كل من عاصمتنا بريدة ومحافظة عنيزة
ياجماعة انا من الغربية ومتولع في الكليجا بس من يجيبها لنا
واين البكيرية والا مو فاضين (؟)
هلا ان شاء الله يكون المهرجان ناجح
وحبيت اسال خاض للنساء او العوائل او العزاب
ومتى فترة الدخول
يالله ياعاجل وشباب القصيم متى انتظر ردودكم
بااااي
فعلا أنا شاهدت إعلان الكليجا بالشرقية قبل أربع أيام تشكرون ياأهالي بريدة
الايرانيين واقفين على رجل و في حيص بيص،عندهم معلومات سرية ان مهرجان الكليجا هو عملية تمويه على برنامج نووي واطلاق صواريخ بالاستية واقمار تجسس واختبار لصواريخ عابرة للقارات.
الحمد لله على نعمة العقل(يامة ضحكت من جهلها الامم).هذا للي ناقصنا مهرجان كليجا العالم تسن علينا السكاكين وهذولا الى الحين كليجا.
انا اشهد انك راااااااااااااااائع يا بومالك
صاحب التعليق الأول
اقتباس (ياخي الناس طلعت للقمر واكتشفت عقاقير ونووي وانتم الى الحين على الكليجا)
الله يهديك وأيش جاب العلم والتعليم للمهرجانات والترويح وللعلم ترا عندهم اكثر من المهرجانات الي يستحي الواحد من ذكرها ....لاتطير بالعجه .
ولا الهدف انك تعلق وبس ؟!!
الى الامام يالقصمان حنا فالحين بالاكل بس علشان كذا احسن شي نسويه بدل ما نقعد نحش بخلقله بياسر وغير اهل طاعه ودين ورجال دوله ولا مو مالين عيونكم اما من يسأل عن اهل البكيريه جالسين يجمعون دراهم وفتح بنوك والمعروف ان الخير جاي توقع انقلاب بجوا المملكه بيجي المطر وتنقلب الجزيره مروج وانهارا بدايه من السنه انشاءالله خذو الحيطه والحذر حسب مصلحه الارصاد خاصه من يسكنون الاوديه ومرتادي البر وسلامكم قصيمي ساكن الرياض
تشكر بريدة على إبراز الموروث الشعبي الأصيل وياكليجا دايم بالعلالي
متى يخلص المهرجان؟؟؟؟؟؟؟؟؟
واليوم نساء والا رجال؟؟؟؟؟؟؟
تكفون ردوووو000000000
اخوي عيون الحب
انت ما طلعت القمر ولا صنعت نووي ولا سويت كليجا
اقل شي في حريم ستروا على عيالهم وحفظوا وجههم من سؤال الناس
واشتغلوا قدموا شي للمجتمع بقدر امكانياتهم
لكن للاسف هناك من يحمل المؤاهلات وهو عاله على اهله وعلى الناس