أمريكا: إطلاق سراح المبتعث السعودي بشرط ارتداء سوار للمراقبة

بعد أن أثار أحد المبتعثين فوضى كبيرة في إحدى الطائرات التابعة للخطوط الإماراتية والتي أقلعت من مدينة شيكاغو وهبطت اضطراريا في مدينة كليفلاند الأمريكية. وجهت السلطات القضائية الأمريكية للمبتعث "ص.ع" الذي يبلغ من العمر 21 عاما تهمة الاعتداء وترهيب المضيفات، وذلك جراء ما حصل من تصرفات غير لائقة وكلمات نابية صدرت من المتهم، وأجبرت الطائرة على تغيير مسارها، حيث من المفترض أن تهبط الطائرة في مدينة فرانكفورت الألمانية.
كما وأشارت السلطات بإمكانية خروج المبتعث من السجن إذا وافق على عدد من الشروط. وهي دفع كفالة قيمتها خمسين ألف دولار أمريكي، بالإضافة إلى ارتداء سوار للمراقبة الالكترونية وكذلك حظر التجول على المتهم من الساعة العاشرة ليلا وحتى الساعة الثامنة صباحا.
ووفقا لصحيفة الرياض , ذكرت وسائل الإعلام الأمريكية أن محامي المتهم أشار بموافقة السفارة السعودية في أمريكا على توقيع الكفالة، وكذلك توفير السكن للمتهم إلى وقت انتهاء قضيته، ومن المقرر أن يصل والد المبتعث إلى أمريكا للمكوث مع ابنه حتى انتهاء القضية. الجدير بالذكر أنه في خلال جلسة الاستماع أنكر المبتعث "ص.ع" التهمة الموجهة إليه من قبل السلطات الأمريكية، مشيرا أنه لم يتعرض لأي أحد من أفراد طاقم الطائرة.
ياخي ريح بالك وخلي ولدك عندك
وشهوله تسبب لنفسك هالمشااااااااااااااااااكل
والاتبي يسألونك وين الولد والله بأمريكااااا يدرس مسكين والله ماتجني من الشوك العنب
أعانك الله على ماابتليت به وأسأل الله أن يخرجه لك سالما بس تأكد لايكون شارب شي
والله غريب بعد قصة الدكتور حميدان التركي باقي فيه ناس أولادها رخيصة عندها وترسلها والله مصيبة
هي وحده من ثنتين ....
يا إنّها تهمة ملفقة من تهم أمريكا لبعض الطلبة السعوديين النابغين أمثال حميدان .. و.. الدوسري وغيرهم كثير .. نسأل الله أن يفرّج همهم وكربهم ....
أو .... أهو ورع ما لقى من يربيه لا من أهله ولا من ديرته اللي هو طالع منها
وتخيلوا معي .. كيف طائرة تهبط إضطراياً بسبب ورع عمره 21 سنة
وين الامن اللي في الطائرات وحتى لنقول ما في أمن .. شخص مثله ما يبي لها المسألة إختراع صاروخ ,,يقوم له واحد أو إثنين ويصكون على وجهه إلين يعرف إن الله حق ,,
وإذا وصلت الطايرة يشوتونه زي الكلب لأمن المطار وهو يتولاه ,,
وأنا عندي إحساس إنّها الثانية الصحيحة والله أعلم
وسلامة السامعين ..
عجيبة من السفارة
(((( ووفقا لصحيفة الرياض , ذكرت وسائل الإعلام الأمريكية أن محامي المتهم أشار بموافقة السفارة السعودية في أمريكا على توقيع الكفالة، وكذلك توفير السكن للمتهم إلى وقت انتهاء قضيته ))))))))))).
إذا عرف من هو ولده ××××××××××××× بطل العجب
والله الشرهه مو عليك ، الشرهه على الي توسط لك وطلعك ابتعاث
واكاد اجزم انك ما طلعت من جهدك ولا ماكان سويت هالحركة
نهاية المهايطه الكذابه الحين ماينفعك الندم يا عنتر كيف السوار اللي مربوط في ايدك
عساى شكله عاجبك بس
[الله يهديه]
السفارة تتحمل اجرائات المحاكم الجنائية والمحامي لاي سعودي في امريكا ايا كان وايا كانت مشكلته ..
قااااااااطعوا اميركا وودوا عيالكم نيوزلندا او ماليزيا
او اتجهوا لاوروبا
عيااالكم اماااانه في اعناقكم لا تودوهم للموت بيدينكم
اعرف واحد مخلص ثانوي 60 بالمية
طلع بعثة خلال البعثة ماغير سفرات لتيلند و استراليا و نيوزيلندا و غيرهن
ماادري طالع يدرس ولا يتمشى
نفس حاله هالورع ودي اعرف وش موديه لالمانيا
ياليت الحكومة ماترسل الطلاب اللي أشنابهم خضر وتوهم فاصخين حفايظهم
يا غريب خلك اديب
بس عيالنا ما يخلون طبعهم ومهايطهم
يحسبون الدول الثانيه مثل اهلهم وديرتهم بيتحملونهم
الله يهديهم بس
القصد من هاذا كله الاهانه سوار على الرقبه مثل الكلاب تكرمون
الله يرحم زمان اول لما السعودي يروح امريكاغيدقون له تعظيم سلام
الايام دوارة يالمزيون يالورده
المفروض اجراء اختبارات ومقابلات شخصية مكثفة لكل مبتعث سعودي يسافر للخارج
بعض المبتعثين 'البعض وليس الكل كثرت مشاكلهم وعدم مبالاتهم بأنظمة بعض الدول
وهذا يؤثر علي باقي السعوديين اللذين يسافرون للخارج . حيث يجدون معاملة سيئة هناك
بسبب مايفعله بعض السعوديين في الخارج . يجب علي المواطن السعودي في الخارج تقديم
صورة طيبة عن المملكة . قبل 15 سنة كان السعودي يعامل معاملة مميزة في معظم الدول
أما الأن فتغير الوضع كليا واصبح السعودي ضيف غير مرغوب فيه في كثير من الدول في الخارج
والسبب هو ما فعله البعض خارجيا. شباب غير مبالي ابدا . حتي ان بعض العوائل السعوديين
يواجهون مشاكل خارجيا بسبب الصورة السيئة التي يقدمها بعض الشباب هداهم الله .
ويستمر مسلسل تلفيق الاتهامات بالطلبة السعوديين في امريكا.كل هذا من اجل تشويه سمعة السعوديين من باب الحقد عليهم وحميدان التركي اكبر دليل على تجني امريكا على السعوديين
هالحين ما فيه وظايف يالي تقول خل ولدك عندك
ما فيه وظايف الا بجهنم والشباب رايحين يحصلون عليها
لانهم بوطنهم المزعوم ميتين ولعلهم من هناك يجبون شهاده
تحييهم بعد الله عز وجل..
#493096 [الدلفين] صاحب التعليق الدلفين عزالله انك صدقت كلامك درر ولاازود عليك بشي بيض الله وجهك هذا الكلام الصحيح والله يكثر من امثالك فعلا شباب هذا الجيل التالي خرب ودمر شعب السعودي في كل الدول والسبب المخدرات وقلة الايمان وقلة الوازع الديني نسال لهم الهدايه ونصيحه لكل اب ان ينتبه لابنائه حتى لو بالخارج يقوم بزياره مفأجئه بدون علمه وتفضل هذه الزياره في اوقات الفراغ لابنه مثال يكون هذا اليوم اجازه لهم بين فتره وفتره ويراقب ابنه حتى يطمئن قلبه لاني اب ومجرب وحبيت اقول شي السفاره ماتقصر هناك ولكن لابد نساعدها واليد الواحده لاتصفق لابد التكاتف حتى نظبط الامور وشكرآ لك عاجل لاتاحة الفرصه لنا ونتمنى لكم ولهم التوفيق
يا ناس وفروا الابتعاث لطلبة الماجستير و الدكتوراه
البزران ذولا ما فيه فايده من ابتعاثهم
يروحون من هنا بزران
و يرجعون....................
مفروض البعثة تقصر على طالب الدراسات العليا
يكون كبر...و عقل...و هدفه التحصيل العلمي فعلاً
مو ذولا
لا و الابو لاحقه..و السفارة تدفع عنه كفالة
لا يا ولد الشر
الابو على باله مرسل رجال
ما يدري انه مرسل بزر يبي له ولي امر يمشي معه هناك
السلام عليكم. الشباب العربي مش ناقص مشاكل بتهم الارهاب اهم شي ما يشوهو سمعت بلادهم والله يهديه انشاء الله ويعود الى بلاده بسلام
السلام عليكم
غرييييييييبة ووش السالفه يا اخوان كل الأيام اللي راحت كانو يقولون انه بشركة يونايتد UNITED AIR LINES الأمريكية وحاطين صورها واليوم قالو طيران الإماراتيه !!! تناقض عجيب
ههههههه السعوديين بااااااااااايعينها في كل مكان واحسن شي فيهم الخوووف ماله مكان في قلوبهم هههههههههههه امووت بالسعوديه وفي ابو متعب وعلى فكره اللي يرد ترا مااارجع اقرا التعليقات مره ثانيه يعني ريح نفسك هههههههههههههههههههههه
بلد متخلف ... ماعنده جامعات بعد الثانوية ابتعاث ...
أكثر من 180ألف مبتعث ...
تصدقون فيه طلاب يدرسون طب في اليمن .. وبعد الثورة نقلوهم إلى الأردن ...
طبعاً اليمن مافيه تقدم في الطب ولكن المقصود يدرسون في عالم مختلط ...
كندا طردتهم من كثر مشاكلهم ....
الإبتعاث ليس للحاجة وليس المقصود منه العلم ... بل المقصود برمجتهم على الفكر الغربي ..
الشباب السعودي كثيرهم غير صالح
وبعدين ويش الدراسه كلهاء
نصب في نصب ادفع مبلغ وتنجح
ويليت ان يكون من شروط البتعاث
تحليل المبتعثين عن المخدرات
فضحونا هؤلاء الشباب في سن 21 سنة ويذهب مبتعث من المفترض يبعث بعد حصولة على الباكلوريوس
بعدين يستطيع دفع مبلغ 50 ألف دولار كفالة معناتة إبن ثري فوضة لاتكفي في شوارعنا لكن الأنظمة هناك سوف تقف ضدة ولن تنفع الواسطة متى نحترم الناس وفي كل المواقع وفي وسائل الموصلات . ضعو لنا أنظمة رادعة لكل المستهترين بالانظمة والقوانين وبالبشر رجال ونساء .
شاب فى (21) سنه يبتعث وبعد الى أمريكيا الى عالم منفتح
ياكثر مشاكل المبتعثين كل يوم قضيه جديده
لو قمنا بأستقطاب الاساتذه وأحضرناهم الى جامعتنا كان أفضل من عدة جهات
01 توفير فى التكلفه وبذلك توفير فى ميزانية الدوله
02 حماية شبابنا من العادات الغريبه على مجتمعنا
03 حماية عقيدة شبابنا الدينيه وخصوصا اننا سمعنا أن هناك طالب تنصر
والله الشرهه مو عليك ، الشرهه على الي توسط لك وطلعك ابتعاث
وبعدين كلمت مبتعث وهم بزران ؟؟؟؟
مايتصرف لو قالوله اهله خذ استراحه ماعرف ؟؟؟
تودونه لمريكا؟؟؟ والله فشلونا المبزره
على بالك تهايط في امريكا وتسوي فيها اني ما احد مثلي تحسب انك تطعس في الثمامة الله يديك الهياط عواقبة وخيمة