المانعية ... عشرة ألاف شاب يمارسون هواياتهم بعيدا عن مساندة الأجهزة الحكومية ..!! (مرفق خريطة وصور)

رغم الجهود التي تبذلها محافظة وبلدية المذنب بمنطقة القصيم نحو تهيئة منتزة المانعية الصحراوي والحرص على نظافته بتحدي نقص الكوادر البشرية والإمداد المادي إلا أن منظر حوالي عشرة ألاف شاب يمارسون هواية الطعيس عبر رمال المانعية دون مساندة من الإدارات الحكومية والأمنية ذات العلاقة أمر يعث تساؤلا ملحا حول إنعكاسات ذلك الغياب على واقع ذلك التجمع الكبير الغير منظم والذي يمكن أن يتحول إلى (لغم) مفاجيء يؤكد حاجته لضبط في مثل تلك المناسبات التي يتجمع فيها الشباب بالمانعية ..
صور ولقطات تحكي واقع هذا المنتزه الجميل الذي سبق وأن استضاف عددا من السباقات الرسمية بإشراف من قبل الإتحاد السعودي للسيارا والدراجات النارية وبحضور سمو أمير منطقة القصيم الذي يحرص على مساندة الشباب الرياضي وتنمية مواهبه ...
لو قدر الله وحصل حريق او إصابات وحوادث أو مضاربات ونحوها من يمكنه أن يدير لك الوقائع ويضبطها داخل معترك نحو عشرة ألاف شاب ..؟؟
المانعية التي تبذل محافظة وبلدية المذنب كل ماتستطيع من أجل وضعها في قالب استراتيجي سياحي هادف للشباب تحتاج لمن يساندها ويقوي من عزيمة القائمين على فعالياتها .
خريطة توضح موقع المانعية عن طريق محافظة المذنب بحسب منتديات تطعيس
يا زين المانعية ما ينقصه إلا المطر الله يجيبه
مدري من تقصد بالجهات الحكومية
إذا كنت تقصد البلدية فهي موجودة
و إذا كنت تقصد هيئة السياحة والشرطة والدوريات والمرور وغيرهم نعم
شكرا شكرا شكرا صحيفة عاجل على هذه المادة الجميلة يؤسفنا تهاون الجهات الامنية بالمذنب لأن الشباب يضايقون المواطنين بالطريق بدون محاسبة
شكرا لكاتب الموضوع سلطان المحيطب
الله يعين هالشباب بس
عسى الله يهديهم ويستر عليهم
وانا اقول وين الشباب
توقعت انهم انهم مسافرين لكن الحمدلله صارو بالمانعيه
صدقوني بكرا راح يحطون بالمانعيه قسم عوايل وقسم للشباب والبنات انواع الفله
لو كان التنظيم ذا والتجمع باام دباب كان افضل
لاكن حسبنا الله على من كان السبب والحسد الي موجود بينهم
هذا تخلُّف في الشباب ناتج عن تخلُّف التربية فليس بغريب من شخص تربَّى على الأكل والشرب و شخص تربى على قراءة القرآن الكريم
انواااع الوناسه هذولاءهم الشباب معادهم اماكن يروحون لها ويستانسون لا الشتاء شو الطلعات والكشتات والتطعيس متعودين سواء كان بالمانعيه و ام حزم و ام دبابه والطرفيه وعسلان والغضاء ......وان شاء الله مايصير الا الخير
اهم شي الوناسه وحب الوطن
الحين يا صاحب المقال وش الي مضيق صدرك
يعني شباب ومتجمعين بالنفود صحراء وماعندهم احد وش تبي بالضبط :
تبي الشرطة
والهيئه
والمباحث معهم
ياخي عجزنا وماعرفنا وش تبون ان راحوا مقاهي انتقدتوا وان راحوا اسواق انتقدتوا حال الشباب يردد
اتركوووووووووووووووووونا بحالنا حنا في النفووووووووووود
اتركووووووووووووووووووونا بحالنا حنا بالفنود
سلام يااخ عمر الجمل
بس بعرف وين المشكله شباب يطعسون ومستنسين
بعدين عن المدن والعمران ليه انت ياعمر حاط دوبك دوبهم بعرف
ليه
الله يكفيناء شر الحسد
وبعدين سياحة للمذنب يطلع صوتها في الشتاء
ياخي واضح من الصورة أن الشباب منتظمين ومافيه مشاكل
وأفضل لهم ألا يتدخل أحد
بالبى المذنب واهلها ------- ويالبى الطبيعه الي فيها
المذنب هي السياحه الأولى في القصيم من ناحية الطبيعه الخلابه التي تتميز عن باقي محافظات القصيم وتستاهلون يااهل المذنب
ناقص المذنب بعض الفنادق والمطاعم المشهوره والمنتجعات السياحيه وتطلع شبيهه للخبر
على راسي يااهل المذنب الطيبين الكرام
لكم مني اجمل تحيه
مشعل التويجري
التطعيس من أحب الهوايات رغم خطورتها وخسائرها الفادحة أتمنا زيارة المانعية
للمشاهدة فقط أما التطعيس بطلانة من زمان
المانعيه والمذنب!!!!!
حبيبي هذه النفود اسمها نفود أم حزم -بالقصيم
وبعدين ياذكي كم تبعد عن ام حزم وكم تبعد عن المذنب
اما البلديه طبيعي بتقوم فيها بلدية المذنب لأن ام حزم قريه ولافيها بلديه
لأن بالأخير البلديه جهاز حكومي وليس لأهل المذنب؟
يعني غصب تكون تبع المذنب
مع كل اسف بأن شبابنا وصل الى هذا الحد سيارات فارهه يعمل فيهابهذا الشكل
وهذا العمل ان دل على شيء فأنما يدل على زيادة النعمة والفسق والله يستر علينا
وعلى المسلمين من هذا الفسق فوالله أن النعمة خمر جياش ولابد من العقوبة فا الله يمهل ولايغفل فمن الواجب الشكر على هذه النعمة والخوف من الله
فكم انسان بحاجة لسيارة ولايقدر على الشراء اخوتي واحبتي انتبهو لأنفسكم
قبل أن يأتي يوم تندمون فيه
هل هذا هو الطموح الذي ننتظره من شبابنا ؟
هل هذا هو المستقبل الذي نخطط له ؟
لقد وصل الوضع إلى درجة لاتحتمل من سذاجة بعض الشباب ، وهناك من ينظر لهذة التجمعات بأنها تصب في مصلحة الشباب ، ولكن للأسف هذا سلوك أقرب مايقال له (السلوك المعاون للجريمة) ، ولننظر بعين العقل بعيداً عن العاطفة ماهي حصيلة مثل هذة التجمعات المهزلية :-
1- استخدام الإساليب الخاصة لإصطحاب مراهقين يؤدي إلى تأثرهم بمخالفات شرعية ، وممارسة الرذيلة لنيل أو كسب أو ركوب السيارة التي يرغبونها0والدليل هو الواقع مع مركبة اللواط أو كما تسمى شعبياً (جيب ربع)0
2- غفلة وصد صغار الشباب وعديمي الأهلية عن مراقبة ذويهم 0
3- خسائر مالية مقابل إتلاف سيارة بمبالغ طائلة مقابل أن يرضي غروره أو يصفق له شاب في خاطره 0
4- الفرصة لضعاف النفوس لتوزيع سمومهم وغيرها مثل المخدرات في هذة التجمعات 0
5- بعد المسافة شيء منها مما يسبب مخاطر مرورية وغيرها 0
وهناك الكثير والكثير ولكن أكتفي بما ذكرت ، وكل يعرف ذلك جيداً0 ومع أن هناك أناس ربما يعارضون رأيي مع قناعتهم به ، لكن إعترافهم برأيي يمنعهم من حصولهم على مبتغاهم في هذا التجمع 0
خاطرة / الشاب الأوربي والأمريكي والياباني وووو وغيرهم يسعون للوصول لخدمة البشرية ،، وشبابنا همومهم سيارة ومحل زينات ودوران ووو الخ افهموها
اولا كل عام وانتم بالف خير وصحه
ثانيا ابي اقول راي بصراحه انا من الشباب اللي اذا صار فيه مشاركه من الجهات الحكومه
وصار فيه تعال ورح ولاتقرب وارجع ممنوع اكره المكان كللللللللللللللللله وانا من الناس اللي حضروا الى ام الحزم وكان كل شي مضبوط وسليم الا يوم اذن المغرب صارت زحمة على الخفيف وشكرا
وين مكانها المانعيه ممكن توصيف واضح ومتى ينتهي البرنامج
وكل الشكر مقدم للاخ سلطان على هذا الخبر
تقبل مروري
للاسف الدولة اهتمامها بالمرأة اكثر من الشباب
بمباركة العلمانين والليبراليين وعمهم سام
مع ان الشباب هم اعمدة الدولة في الازمات
والله سوف يسألون عن اهدار الوقت والمال بهذه الهويه القبيحه
يازينهم اهم شي ينبسطون ويوسعون صدورهم الله يحفظ شبابنا السعودي في حلهم وترحالهم اشوف مافيها شي هم قاعدين في الصحراءيطعسون وينبسطون ترونا في عيييد حتى لو غير عييييد عااادي ترى ربي يحميهم من شر الحوادث
الله يهنيهم مو مثلنا
وش اللي يقول الشرطه أو الهيئه مالها داعي , إلا لها داعي و نص , أغلب هالتجمعات لا تخلو من الجرائم كتجاره مخدرات و من قضايا أخلاقيه بالهبل , أنا أضم صوتي مع صوت صاحب الموضوع
والله صراحة وش مضيق صدر الكاتب وعمر اللي متعب نفسة خل الناس تستانس
يمدحون البلدية ويبون جهات أمنية ياأخي ماعندهم افراد يكفون المانعية
يالبى قلبك ياصاحب الموضوع
بس فيه ناس مايعرفون يقرون يقولون وش تبي في الشباب طالعين للبر
يااخي اقراء زين يقول انه يطالب في التنظيم من جد بعض اللى يدخلون
يبون اي شي فيه طقااااق وهوااش من جد بااايخين...
مشكور ياصاحب الموضوع من جد اعجبتني لله درك
ههههههه هذولي القبايل اللي فرحانين فيهم تخلف وناس بطرانه
نهايتهم قريبه بأذن الله
الي يبي الموت يطس لنفود آهم شي لآيشغلنآ دآخل الأحيآء والمدن .. !
وآتمنى آن لآ يكون هنآك تنظيم لآ من الجهآت الرسمية ولآ من الدفآع المدني وخصوصآ الهلال الأحمر ..
آجل آخلي الهلال الأحمر بوسط النفود عشآن مرآهقين سآذجين ليس لهم قيمة بالمجتمع ؟
الي يبي يموت ويبي المشآكل يطس ويكفنآ من شره ..
في ناس مختلفه بقووووووه ياخي كاتب الموضوع يطالب بتنظيم مهرجانات وتواجد أمني
ياخي تدري إنه في ثاني أيام العيد حصل فيه حادثة طعن !!!!
وثالث أيام العيد حصل فيه هوشة !!!
يعني ننتظر لين ياقع الفاس بالراس بعدين نقول ليت فيه تنظيم عشان مايصير فيه حوادث وهوشات ..
بعدين يا كمخ وش دخل عمر بالسالفة أبي أعرف
عمر مجرد مصور فقط أما الخبر كاتبه سلطان
فكرو شو وشغلو عقولكم لاتطيرون بالعجه وأنتم ماتدرون وش السالفة
الموقع بعد تفتيش ام سدره ونت خارج من القصيم متجه للرياض تجي لوحه ام حزم روح معها بعدين اول كبري يسار روح وسيييييييييييدا تشوفه يسار ..........
والله فسقه وطاقات مهدره وتجمع تجد فيه كل الاشياء الممنوعه الله يهديهم
صريييييييييح!!!!!!
يازينك عاض على شحمه .. المانعية بالمذنب غصب (ن) عليك .. والنفود هذي كلها تتبع لمحافظة المذنب!!
بدل من أن تشكر جهود البلدية اللي موفره للشباب جميع الخدمات رغم ضعف قدراتها .. وكثرة مرتادي المانعية!! جاي تكلم على إن المانعية ليست بالمذنب؟!!!
والله من الحماقة .. لا .. وكاتب صريح بعد .. الله لا يهينك على صراحتك!
سوؤال الشبب الي يطعسون خسروكم بشي مثلا اطلبوكم دراهم مثلا عشان يطعسوون..؟؟!
هذا المكان الوحيد الي يجتمعون فيه ويتانسون ومايبون منكم شي لاتنظيم ولا شي اخاف بكرا تقلون ممنوع الدخول مخصص للعوائل
اذا بكل مكان عوائل وهنا شي يلتهون فيه الشباب ايشتبون يزنون مثلا ..؟؟
ادري كل شخص بيقول يزنون ويزينون طيب انت تبيهم يزنون الي براسك وتشوف انه صح ومو غلط بسئلك هل انت زينت هشي ..؟؟!
الشباب يبون يستاسون الحياة مو كلها دراسة وعمل وما ادري ايش .
ان لنفسك عليك حق
اذا انتي متزوج وتدخل بكل محل ايش ذنب الشباب يعانون وانت مستانس ..؟؟! هسوؤال اوجهه لكل شخص يقول فاضين ولا داشرين ولا شي من هل الكلام .
اتركونا ما نبي منكم شي بس انتم فكونا من شركم
إلى اللي مسمي نفسه صريح خل عنك الحقد المانعيه تبع المذنب رضيت أورضيت وأنت شكلك عنيزاوي حاقد على المذنب وش هالأشكال كل ماطلع بالمذنب مكان حلو حقدوا علينا ياخي خليك بالغضاوبيع الكراث يرحم والديك وهذاك قلته بلسانك أم حزم قريه والمكان تابع للمذنب صحح معلوماتك وبلاش ماتتفلسف وإن بغيت الصراحه خذه من أنا أنت ماتدري وين الله حاطك بس تبي تكلم وتعلق بأي شي وأنت شخص حقود وش دخلك هي تابعة لمين؟؟؟؟؟؟؟
أهم شي إن المانعية مكان جميل ومتنزه شبابي رائع وبالمذنب بعد اللي فووووق رأسك شئت أم أبيت ورداً عليك وعلى أشكالك الحقادين
دمتي يالمذنب
مصيف رائع رغم آنف الحاقدين
(؟) (؟) (؟)
وخليك يالحياديه زي ماعرفناك المصداااقيه وإنشرررري
الغرب يصنع طائرات وصواريخ ،،،،، وشبابنا يصنعون فن التطعيس هههههههههههه
شباب الغرب مايتخرج الواحد منهم من الثانويه العامه الا صانع شي او مخترع شي
وشبابنا جيدين بالتطعيس وشراء السيارات وترهيمها بمبالغ تفوق قيمة السياره
اللهم اهدي شبابنا واصلحهم واكفهم شر الفراغ ،،،
السلام عليكم
1-المانعيه اداريا تابعه للمذنب لذلك كل مافيها ينسب للمذنب
طبعا المذنب تابعه لبريده وتجمع تحت مسمى القصيم .
2-كاتب الموضوع سلطان المحيطب والمصور عمر الجمل ياللي تكلم على
غير يمه ودرايه.
3-التواجد الأمني ضروره قصوى لااتكلم عن الزحمه انما المشاكل كثيره
مثل الهوشات (الطعن) نقل المخدرات بجميع اصنافهابأبسط أشكالها مثل العرق وهذا كثيرر
واصطياد الشباب فيها . تواجد الهلال الاحمر مهم رغم نقص الكادر الواضح عليهم.
أولاً مشكور يا سلطان على الخبر الأكثر من مميز
ثانياً حلات هذا الشئ إنه يمون بدون تنظيم لغن الشباب يحبون الحرية ولا يحبون غنهم يكونون مقيدين بشئ يربطهم !
طبعاً المشاكل الإخلاقية والجنائية لا حصر لها في هذا المكان
لإن 99% من الحضور مراهقين فماذا نتوقع منهم ؟
المانعية جو خيال يوم الأمطار وخدمات بلدية المذنب ممتازة فيها وما قصروا
الأخ الكريم سلطان المحيطب وفقه الله بعد التحية
أشكرك كثيرا على تغطيتك المستمرة ولو أذنت لي في بيان أنه حسب علمي بأن محافظة المذنب (كجهاز حكومي ) ليس لها أي مشاركة على الاطلاق وأنا أتكلم من واقع قربي ومعرفتي بذلك تماما .. وإنما البلدية هي التي تقوم بتجهيز المخيم الخدمي كل عام - في الأعياد خاصة - كما يقولون من الألف إلى الياء . أكرر شكري وتقديري لك .. ودمت بخير
رد لخالد وابو خالد
اللحين وش اللي محرق رزك انت وياه
مسوي ثقل انت وياه ياراعين ال ب ن ي
اقول اثقلو وخلوكم بحالكم خلو الناس بحاله
ناقصين غثاكم
ناس مصلين ومواصلين ارحامهم ومنعم الله عليهم
خلهم ينبصطون لين تطيح الللي في روسهم
والشباب اللي متجمهرين مارح يقصرون معاهم لوقدر الله وصار شي
وعلى قولهم(نمشي على كف القدر ولا ندري وش المكتوب )
انبسسسسسسسسطو وفلوهاااااااااااااااا
الله معااااااااااااااكم ويستر عليكم
يالبى قلوب اهل القصيم وه بس
آآآحسسسسسسسسسسسسسسن من سفرهم لخآآرج المملكهَ
الله يهنيهم وياليت لنأ نصيب هع.....
انشهد ان اهل المذنب اهل كرم وجود
ولا هيب غريبه على بلديتهم انه تتجمل وتكرم ضيوف المذنب
هنياله من سكن المذنب
مشكووووووووووووور ولد عمي على الصوووووووور
ماعليك زود يابو خالد
وهذا واجبنا على ضيوفنا
على راسي
بلاشك المانعيه من افضل المواقع السياحيه في المملكه العربيه السعوديه
خصوصا انها تابعه للمذنب اهل الكرم والطيب احسدكم والله على المحافظه هاذي
اتمنى وجود الدوريات الامنيه لانه من اكبر تجمعات التطعيس في السعوديه
يعني لو سمح الله حصل شي لابد التدخل من الدوريات الامنيه
ياحلو المانعيه وياحلو اهل المذنب
تعليق على صريح
ان اقترحلك ان تغير نكك من صريح الى متعصب وحاقد على المذنب
1-انتم معروفين بعصبيتكم الزايده من محافظكم الى اصغر مواطن عندكم واهل القصيم كلهم يعرفونكم ويعرفون عصبيتكم الزايده وحقدكم على باقي المحافظات
(وانا اقولك القافله تسير والكلاب تنبح)
مهما عويت لن تحرك ساكن ولن نلتفت لك
وشكرخاص لعاصمتنا عاصمة القصيم (بريده)
وتحيه خاصه من اهل المذنب الى اهل بريده الغالين
هواي المذنب
اقول سلام عليكم اما بعد..المذنب وبس اله يخلي الشله وزحيفه وش قالو حكومه اما عمارالقلب ولادماره
الحقيقة اشكر كاتب الموضوع والتجمع هذا افضل لملىء فراغ الشباب ولكن بعض الردود ليست منطقية وعلى غير يمه لان غالبية المشاكل اللي صايرة من سرقات ومشاكل بالشوارع كلها من الفراغ وبصراحه الله يكثر من هالنشاطات