الله يجمل راعي الوقفات مسعد بن سمار

اللي برز بين الرجال الغانمين بمدته
يوم احتمئ الماقف حماه بطيب مده مع وقار
عقب انتخاه اللي مقادير الليالي حدته
الله يبيض وجهه ويبقيه للطيبه شعار
اللي ورثها من زحولًً للمواقف بدته
أعتق بعد رب العباد احمد من الكربه وصار
رمز ألوفا للي صواديف الدهايا لدته
انشهد انه جنب طيب ودرع جنب وضلع ثار
الكل من كربات عسرات اليالي هدته
واحمد فزع له شيخً لكل المطاليق افتخار
وبذات للروقه ولعتيبه فعوله قدته
الله يديم اله الغناء ويعزه بكل الديار
اللي سلوم اهل الوفاء في كل جزله ردته
وابن عميره وقفته ماهيب غريبه باختصار
اللي فعول الطيب من جده لفعله ودته
شيخً ليا كبرت وقف ميقاف عزً واقتدار
دايم فعول الطيب اله ويعد فيها عدته
والضيط مزحم لا انتخت يفزع ومن دون اعتذار
دايم مواقيفه وفاء ولا يوم شفنا صدته
وكل الشيوخ الله يعافيهم طويلين العمار
والآجر جعل الله مايحرمهم عطاه ومدته
آلشاعر /علي بن ناصر أبوثنتين