قصيدة بعنوان”اصغر ذنوبي” للشاعر “هشّال الحسيني”

- أريج الشمري
يا دوب وصله يجي لابطى و يا دوبي
افرح ب شوف الرساله هي و رآعيهآ..
••
ساق التراحيب عنده صادق اسلوبي
و النفس تاكل بعضها عند غاليهآ..
••
يا مرحبا يا حيا شعري و مسحوبي
عيا لساني على غيرك يغنيّهآ..
••
يا اول متاهات عمري و اخر دروبي
يا نور الايام ف اولها …و تاليهآ..
••
يا باشة الغيد والا شيخة العوبي..
تخيّري في عيوني و أقلطي فيهآ..
••
سقت الزعل يا غلاي و ضقت من ثوبي
وش لك ب (نفس العنآ) يومك تعنيّهآ..
••
ما ذآ ب حقّي عليك و لآ ب مآجوبي
مثلك ترى الواجب عيوني تدآريهآ..
••
ما تدري انك ثمان سنين محبوبي
متعلّقن ب من يدي ما نآشت يديهآ..
••
قلبي على صوب حيٍّ ما هو ب صوبي
عيّت عن الشوف مير القلب هاويهآ..
••
يا كبر ذنبك عليّ و ما أصغر ذنوبي
ياللي ضلوعي ب قلّ الشوف كاويهآ..
••
ذا فوق ما الوقت وجهه كنّه أثيوبي
ما عاد الايام ترحم قلّ واليها..
••
على كثر ما يجيني تدحم جنوبي
ارمي ب عون الله الدنيا و لآ أخطيهآ..
••
إتشحّ و يشحّ وقتي وأنت مطلوبي
والله درى ذا المحبه ويش تاليها..
.
الشاعر : هشّال الحسيني