قصيدة “بيت مهجور” للشاعر “احمد بن فهد”

البيت متهالك كشف كل مستور
كن الزوايا يشتكيلي حجرها
•••
لعل صدري من عنا الغبن ماجور
راحت وباقي بعضها ينتظرها
•••
اللي لقيته شي في بيت مهجور
خاتم عقيق وخصلت ٍ من شعرها
•••
واللي بقى ذكرى لبرواز مكسور
برواز فوقه طين يمحي اثرها
•••
لكن على الجدران جمله بطبشور
مضمونها يعني اذا بختصرها
•••
لو رجعة الايام بالكيف والشور
كان احتزمنا قبل ياتي خبرها
•••
من اخر العالم الى داخل السور
ارضٍ يبس نبت ٍ بها مع شجرها
•••
ما جيت بالعاني ولا جيت مجبور
انثر دموعي يوم شوقي امرها
•••
تجيبني الذكرى لها عدة اشهور
يوم الليالي بي كثيرٍسفرها
•••
غرقت بي ابحورٍ وجدفت ببحور
واتجنب الزلات واعرف خطرها
•••
وتتلاطم الامواج وافكاري اتثور
وثارة قريحة شعري وذا ثمرها
•••
الفكر والهوجاس والقلب مذعور
هذا قضاء الله وهذا قدرها
•••
الليل يسري والكواكب لها دور
يا ساريه شوفي كفٌنها اسرها
•••
الموت ياتي افلان وفلان بالدور
من جَرب الفرقى تجرّع كدرها
•••
ايه اكتبي في صفحةٍ ما بها اسطور
(ابحرت فالبحرين مابي دررها)
•••
(انا فقدت اللي لعيني هي النور)
( من بعدها الايام فيني ضررها )
•••
وضحت مافيني وانا الحين معذور
كل المشاعر بي تعبت اختبرها
•••
فقدانها بنج لي احساس و شعور
ونوم الليالي هو شبيه لسهرها
•••
اشبه شجر واقف وهو ميت اجذور
ما حس باغصانه اذا احدن بترها
..
للشاعر :
أحمد بن فهد