قصيدة حصرية للشاعر مشعل الشويش

طال الغياب وجيت عاني .. ومشتاق=ارسم معالم فرحتي .. وآتباهى !!
اقبّل كفوف المقادير وانساق =لوصالها وانحت بقلبي غلاها
واخيل برقً ل اظلم الليل شعّاق=واذكر ليا من لاح طلّة بهاها !
واذكر تجارب رحلتي عبر الآفاق=من ذكرياتً هجرها / مامحاها !
والصبر / مر الذوق ، والشوق / حراق=وانا غريبً حاجته مالقاها
عوّدت جرحي شايله بين الاعماق=ونارً بقلبي في ضلوعي سناها
مالي بهالدنيا سوى خاطرً ضاق=ضاقت به الدنيا بواسع فضاها
من دامع اقلامي ليا ضحك الاوراق=مسافةً من وصلها .. لا .. جفاها !
لعلني فدوة تباريح الاشواق=وفدوة ديار العاشقين / وثراها !
صد / وجفاء / وغياب / وجروح / وارهاق=ونظرات عينً ماتطولك يداها
وحروف شعرً همها كسب الاذواق=وكسب القلوب اللي عطاها/ وفاها !