ضياع الوداعه قصيدة للشاعر بدر الوبري

تسرح ركابه وان ضوى ضواها
والهاجس اللي ما عليه طماعه
رحب بضيفانه ولاغداها
مالي ومال البسمه الخداعه
اللي تشيل الداء وسط ارداها
واللي قهرني خافق شماعه
كم عبرة ما جابها وداها
القلب مفتوح على مصراعه
(غير البنادق ثورت في خباها )
يا ويل قلب كان فل اشراعه
رجع سيول الدم في مجراها
واحط علم ما حسبت اقلاعه
واقول تمشي لو ما احد مشاها
ودعت في قلب الزمان وداعه
وان جيت بكتبها رجعت اقرها
واقول كلا نجدته بذراعه
والنار تحرق كل من صالاها
سريت في ليل تهوش اسباعه
الله يعين العين في مسراها
مليت من شريحة لكاعه
والقائمة كلا قرا فحواها
ومليت من عد الظنون وقاعه
اللي مع الطيب قصير ارشاها
يا رب سترك لا نشوف الطاعه
يا ناس في اولها وعند اتلاها
وين الخوي اللي شهر مشلاعه
حر على كل الجروح ادواها
عند المهاوش يتعب الفراعه
وكل الدروب الاويه ما جاها
حكيم ومخضرم طويل باعه
وكل العلوم الغانمة تلقاها
ولا الضعيف يا السنافي ناعه
مع الذياب اللي تجر اعواها
بعض المواتى تحزن الشياعه
وبعض المواتى ما تحس احياها
وبعض القصيد يحمسك في ابداعه
وبعض القصايد ودك بفرقاها
وبعض الدعاوي تقبس الولاعه
وبعض الدعاوي لا تجي وياها
خل المشوك لا يثور اقماعه
عوق العوادي لا تجي شلفاها
تضيع يا الفازع مع الفزاعه
واللي يدورها ولا يلقاها
اسمع حديث متفق باجماعه
وخل الركايب لا تزيد ارغاها
المستمع لو يستمع مذياعه
ما يعرف القصه ولا دعواها
غير المعنى لا تعنى راعه
ما دام يجهل نحوها واملالها
ما وضعت الارزاق للطماعه
والله يخلي للعباد الاها
يا صاحبي قلبي تون اضلاعه
والعين تبكي غير ويش بكاها
تبكي زمان كلبوه ضياعه
الله يعين ( العين في اللي جاها )
يا كيف بن ما لقي مقداعه
ورد البرى عند الرجال اقضاها
واللي يحسب الثانيه والساعه
قله يدور للحقوق غطاها
لا شاب قاف ولا انتهى استمتاعه
توه يجر الصوت في مرقاها
صرفت شيكي بعد يوم ايداعه
(وزرق اللهب ترقى على حمراها )
وتمسي نسيج الاورده مرتاعه
الين ما تاصل لحد اقصاها
وارجع واعيد الهم واللي لاعه
تسرح ركابه وان ضوى ضواها