أزف الغلا

تمكن غلاها في خفوقي ونوخ فيه
وجرى حبها بالدم وسط الشراييني
أزف الغلا بالشوق لعيونها وأثنيه
غلاها يسوق بعرق قلبي يغذيني
هلا يا رجاي أللي من سنين وأنا أرجيه
أحسه وأعيشه حلم ما بيني وبيني
وأنا اليوم أعيشه واقع أبديه قبل أنهيه
ومهما شبعته فجأة أجوعه بحنيني
أعطشه وأجوعه لو يديني تضم يديه
وأفتقده لا منه غاب لحظات عن عيني
هدى دربي أللي فرحتي يوم أنا أمشيه
لا مني مشيته الملل ما يخاويني
يا بهجة حياة أللي تعب حيل في ماضيه
يا بلسم جروح (ن) من عنى الوقت تكويني
يا نبع الوفاء والصدق والزين مع طاريه
لو أوصف جمالك أعجز أوفيك يا زيني
يا عنق الغزال أللي ظماء القيظ مضويه
على المارد أللي دونه الموت والبيني
مذير جفول وكل قناص معذر فيه
ليا راغ برق(ن) تستخيله بداويني
يا غصن يا مياس عذب الهوى ثانيه
نسيم الشمال يهزه يسار ويميني
يالبيه طيفه كل ما مر يالبيه
غرامه يسرحني وتارة يضويني
أعيش السعادة بعد حرمان بين يديه
وحلمي تحقق بعد مصار بيديني