تحبس رقادي سهر

يا مغرّق العين شوف الحزن لافيني
خلّيت دارك وبان الدمع فأحداقي
كالشمس في طلّتك صبح(ن) يضّويني
لا تتبع اللي يصد النور باشراقي
وينك تشوف الهواجس كيف تكويني
تشعل طيوفك جمر وتقيّد وثاقي
وينك تشوف الليالي يوم تشقيني
تحبس رقادي سهر وتشتت أوراقي
ليله بدونك يذوب الشمع في عيني
(وساعة وصالك يتوق الأُنس لعناقي)
يا زارع الشوك طول الدرب كافيني
أزرع ورودك رضا والحبّ لك باقي
صدّك شرب من سقاوة بيري لتيني
لين الضما جفّف التين وبقى الساقي
متى تسيل السواقي وأسكبك فيني!؟
تروي غصون الفرح في طلّتك راقي!!
متى تشوف الحفاوة مدّت يديني
تعبت من لهفتي مع ضجّة أشواقي
طير المحبّة لقى عن قسوتك ليني
حتى المودّه نسايم طيب بأعماقي
أحمد بن محمد التميمي-المجمعة