بعد نجاح(عذراء حزينه) الشاعره ساره النعيم تعود ب (قلبي عصاني)

بعد التعاون الأخير بين الشاعره ساره النعيم والملحن والمغني سامي الخليفه في (عذراء حزينه) تعود الشاعره بجديدها الشعري في قصيدة ( قلبي عصاني) والتي تحكي لنا ألم الشوق وقوة الاحساس واللهفه عندما يسيطر على الانسان
تصدق قلبي الليله عصاني =
ودمع العين للذكرى خذاني
وحتى لهفتي تسبق لساني =
تنادي ياحبيب القلب وينك
تعال وطفي النار اللي فيني =
لهيب أنفاسك يهيج حنيني
يصحي ذكرياتي ياضنيني =
يموت الصد من نظره لعينك
زوايا حجرتي تظلم بدونك =
تمنى شوفك وقربك وكونك
أسيرة قلبك وضحكة عيونك =
تنادي خطوتك تقبل بزينك
أناجي صورتك ترحم حبيبه=
واطلبها عسى شوقه يجيبه
دوا قلب يعاني يا طبيبه=
تعال اشفيه من لمسة يدينك