"الوطن" الشاعرحامد بن غانم الجذع

اول كلام ابن الجذع ذكرالله
الواحدالفرد الصمد سبحانه
علام ماتخفي سراير عبده
المانع المعطي عظيم شانه
نرفع يدينا له ونخلص بالدعاء
يحمي بلدنا ويهزم عدوانه
ويعزنا بالدين شعب وحاكم
من وفقه مولاه عز كيانه
الدين عز للرجال وهيبه
والانسان دون الدين ماله خانه
وخلاف ذا للشعر وقت وحزه
مايختلف عنها البطل وحصانه
يترجم الشاعر شعوره للعرب
والشعر ديوان العرب ولسانه
مشاعر للشعر لي جاء واجبه
مشاعر تطغى على وجدانه
ونا وقفت اليوم واثق بالله
عندي رصيد وخزنتي مليانه
واكبر مهمه في حياتي كلها
ذليوم واحتجته وجبت سمانه
اما يجملني واجمل ربعي
ولااعتزل بدعه ونظم اوزانه
ورث ورثته من ابوي وجدي
ورثي وورث الرجل من جدانه
سخرته لديني وخدمة موطني
وابن ادم يملي عليه ايمانه
ومثلت به دار ربينا فيها
والرجل يذكر ديرته واوطانه
المملكه اسود غاب ضاريه
قبايل فيها ولاء وديانه
سطرلها التاريخ مجد يذكر
مع الموحد ورفع الله شانه
بسط لشرع الله واقام المله
ومن طبق القران ربي عانه
ثم اكملوا المنهج عياله بعده
الدين حاكم والعدا منهانه
واليوم ابو متعب بعهد زاهر
مافيه خير الا فتح بيبانه
بسط لشعبه كفه المبروكه
ولافيه كبد الا وهي رويانه
وحنا جنود ملوكنا ورجالهم
لي شب حرب وارتفع دخانه
هذي عوايدنا وفعل جدودنا
تشهد لنا وقفاتنا الرنانه
يوم الرغامة والحديدة والحرم
ويوم اعتدى الطاغي على جيرانه
قمنا بواجبنا وعود خصمنا
يقصر مسيره عقب طيش جنانه
وعهودنا تعرف ولاننقضها
لما عطى الرجل العهد ماخانه
باسم قحطان اقولها واعلنها
عهد حفظه الورع من شيبانه
ومن مات ماعنده لحكم بيعه
يموت موت الجاهلي باكفانه
مايجهله يكون شخص جاهل
ولا نفوس طبعها مرضانه
واللي يحاربنا ويفسد بيننا
هذا عدو ظلله شيطانه
مغسول مخه وافسد اللي طاعه
خذا الغبي الجاهل على ذرعانه
ماله علاج الا الكوي ويجدع
ولا الرصاص نعرضه سيقانه
حتى لما شافه زميله لاخر
يتوب ويعلم بعد صدقانه
تم الكلام اللي نظمه الشاعر
قحطاني عذره على قيفانه
☆الشاعر/ حامدالجذع