قصيدة للشاعر خلف المشعان

بدت بداخلي ضيقة عجزت القى لها مطلاع
تغيب وترجع وترجع تغيب مالها نيه
أعمتني كلمةً جتني وضاق صدر القاع
الا يالله لا تجزاء غشيمً قالها ليه
لهو صفاع يا ربي ولا هو للعرب نفاع
أبتلاني وأبتلى حاله وبعض الناس مبليه
ضعيف النفس يشوفه بعينه الاطباع
يحسبني مثل ربعه يسوق بضاعتة ليه
أنا لا من بغيت أشري ماني مساوم بياع
لامن قالي ميه عطيته فوقها ميه
أنا أكتب لمن يقرأ ولا أرجي من يقول ابداع
وابدلا تحسب ردك يشكل لي أهميه
تري يا هيه لامن نويتك أطق بصباع
يجيني ألف شيطان ووراهم الف جنيه
أجرك من طرف حرفك ورد الصاع بصاع
جنون القاف أرقصها على رأسك هجائيه
وربي لو توليتك مالك من شفاع
يجيك من القصيد ثلاث ميه ثلاث ميه
لكن خلك بحالك دام الصدور وساع
ترا للحين ماضاقت ومازالت شماليه
خلف المشعان العنزي -حفر الباطن