قصيدة البر للشاعر شايع العيافي

قصيدة البر
حل البراد ولاطفت منه الأنواد=وقام يتلبس حرها بالبرادي
القيض قفى والثرى المنتحي عاد=وغنى بمسيار الحيا كل وادي
بين الوسامي والمرابيع ميعاد=ميعاد من ضاقت عليه البلادي
مقافر يسعى لها كل صياد=يكسر عليها الحوم طير الهدادي
حر على جول من الخرب هداد=كنه على برقا الجنيح يقادي
حدر من الزرقا على الصيد وراد=كفه بها مثل السيوف الحدادي
اوما بها واومت كما صوط جلاد=متوسط مضرابها فالثنادي
خذابها طلعين والدو منقاد=ولجوا قوانيص الضحى فالروادي
وقرة عيون اللي على العز معتاد=بينه وبين العز ملح وزادي
ولو زادو اصحاب الرساميل وشعاد=ماخبر محروم المناهيج زاد
الزود والله طردت الشوف لاناد=ومنزالنا بين الجبل والحمادي
في عبلة(ن) والجمر مسراه وقاد=من عقب نصف الليل جاه الهجادي
زادوه من مكاسر السمر وازداد=وقامت عليه النار كنها تنادي
وحاموا عليها من مطاليق الأولاد=ربع على قطع الخرايم عوادي
فاحت عليها دلة البن بقناد=ودارت عليهم والسوالف جدادي
زان الحديث ولالحق عرض الأجواد=نوادر ما خاشرتها الدوادي
مسكين من جاله عن البر مقعاد=خيم عليه الهم مثل الجرادي
العمر له لذه وله وطر وأعياد=من غر منها وآحيات الزهادي
قلته وانا شاعر وللشعر قصاد=مثايل تلعب لغاية مرادي
ادرا عليها هرج حاسد ونقاد=واخاف لاثوبي ينوش السوادي
اذل من كبوة خطا بآخر الماد=وتقول عراف العرب وين غادي
مالي عن دروب الزحازيح محواد=لوهي توطيني بشوك الكدادي
وعض البهام لفايت الفوت مافاد=قلته وانا مانيب عيه عنادي
ادري بمنزالي وانا الصبح شداد=ولادور الا ستر رب العبادي
الشاعر شايع العيافي