عندهم (شيمومورا) وعندنا ! .

عندهم واقصد فيها الدول البعيدة عنا واللي حنا نسميها بالدول المتقدمة تقدم وزير الرياضة الياباني هاكوبون شيمومورا باستقالته على خلفية فضيحة الاستاد الأوليمبي المقرر تشييده في العاصمة طوكيو لاستضافة دورة الألعاب الأوليمبية 2020 .. وبعد البحث والتحري والغوص باعماق الخبر بحثا عن سبب الاستقالة وانا بنفسي كلي شوق بمعرفة الرقم اللي هبره هالمدعو شيمومورا وهل هو يستاهل علشانه الاستقالة ؟ .. مافيش كم سطر وقد كانت المفاجأة التي شلت اصابعي موقتا وانا اكتب الاستقالة طلع مو سببها قصور بالبنيان او اختلاس حديد واسمنت من قبل المقاول مثل ما نشوف بعالمنا العربي .. يا محفوظ السلامة ايها القارئ السبب هو تصاميم الاستاد يعني السالفة على الورق ماهي بنيان وتركترات وحفر ودفن .. كل مافي الموضوع هو ارتفاع تكلفة البنيان الي الضعف وبس خلاص .. وقد ذكر باستقالته بانه ياسف لانه تسبب في قلق ومشكلات للكثير من الاشخاص وسلامتكم .
واما عندنا حنا يا معشر العرب فالامر مختلف كليا بحيث نسمع العجائب من وراء المشاريع وكم مره ومره سمعا بان الكل (والكل هو المقصود بالناس التي تقوم على اعمال المنشأة ) ياخذ حصته من كعكة عيد المشروع ابتداء من التصاميم مرورا بالبناء وانتهاء .. يعني السالفة حدث ولا حرج من وزير ومهندس ومقاول وعامل ومشرف وسايق المسؤول المباشر وعمه قبله .. وعند انتهاء المشروع تلقي المبلغ المصروف على العمل عشر اضعاف سعره الاصلي .. وكل ما مضي يهون بس لا يقولون لك بان المنشأة ايله للسقوط او فيها عيوب هندسية بالبنيان وتبيلها اوامر تشغليه لتعديل او اضافة او تغير بعض النواقص .. ولعل ابرز التغيرات اللي سمعنا عبها اعزكم الله تغير الحمامات العربي الي افرنجي كما هو الحال باستاد جابر الدولي بالكويت .. وكل يوم والثاني نسمع اوامر تشغيليه لتعديل الاوامر التشغليه السابقه ! .. واخرت المطاف تتحول المنشأة العربية الي خرابه تسكنها الاشباح والرمال والفيران وكل ما يخطر على بالكم .. ويبقي المسئول بمحله ياجبل مايهزك ريح وسلامتكم للمره الثانية وانا كلي اسف على الاطالة .
ألووو اخير : حفظ الله المملكة العربية السعودية وبلاد المسلمين من كل شر وسوء وادام علينا الامن والامان وتقبل الله طاعتكم .
محمد خلف الشمري