غصب 2

أي كانت بيليف ذس؟ ذس إز بيق بروبلم، يو هاف الوووت أوف موني بت يو كان نوت دو اني ثنق.. ياشباب من فيكم قد قرأ او سمع شي عن القناة الثانية الانجليزية حقتنا، كنهم جيراننا في دولة ثانية، الود ودهم ان ماحد يشوفهم، خلونا من المهايط وكثر الحكي والزبرقه وخلونا نحكي الصحيح، قناتنا الثانية مع عمرها الطويل ماقدرت ابد تنافس ولا تستقطب أي مشاهد، اعرفكم تبون تقولون وش دراك انت، راح اقول: انتم بعد وش دراكم انها متابعة، روحوا طقوا على بيوت الاجانب وانشدوهم اذا ماقالوا لكم: وات؟ وبعدها يسكر الباب ولا يقول لك حتى اقلط، حنا عارفين ان قناتنا الله يصلحها تاخذ ملايين من وزارة الاعلام لكن بدون أي جدوى، نص اللي يشتغلون بالقناة والمعدين ما يعرفون انجليزي الا اذا كانت جدتي تعرف، اللي يوظف فيها يوظف على مزاجه، وزي ما يبغى ماحد يقول له وين انت رايح ابد، أي مواطن يبي يعلم اطفاله انجليزي، ويبيهم يشوفهم قناة محافظة زي قناتنا، او هو يتابعها عشان يلقط له كلمتين يلاقي برامجها ماهي مدروسة ذيك الدراسة اللي تحسسك انك تشوف قناة تمثل دولة، الله يصلح الجميع، ودنا ان اخوانا بالقناة الثانية يشدون حيلهم اكثرواكثر لأن الشق أكبر من الرقعة!