سليمان يبايع "سيف أبو متعب" من على كرسي تحدي الإعاقة

تستاهل المنصب ومن دون تفكير *** والكل يا نايف تعنّى وجالك

لم تمنع الإعاقة الحركية الشاعر علي سليمان من التعبير عن مشاعره الصادقة تجاه خبر تعيين صاحب السمو الملكي الأمير نايف بن عبدالعزيز ولياً للعهد.
وجاءت التبريكات في قالب شعري بقصيدة حملت عنوان "سيف أبو متعب" وجهها وهو على كرسي تحدي الإعاقة إلى سمو الأمير نايف.
وكان الشاعر لحقت به إصابة أثناء عروض "الجمباز" في حفل ترفيهي بمخيم أقيم لحفظة كتاب الله .
وفيما يأتي نص القصيدة:
يا طير غرّد وانشد الشعر يا طير *** شد الرحال ومن قصيدي رحالك
واليا وصلت العاصمة قول يا أمير *** هاذي قصيدة شاعر"ن" جبتها لك
إن غاب شهم "ن" في صروف المقادير *** والدار ناحت وأصبح الليل حالك
يخلف سموّه شهم ما فيه تقصير *** يا سيدي والكل يشهد بذلك
يا أمير نايف ألف مليون تقدير *** وأسمى التهاني والسعادة قبالك
اضغط على التلفاز شوف الجماهير *** اتشوف شيّ "ن" ما طرا في خيالك
تستاهل المنصب ومن دون تفكير *** والكل يا نايف تعنّى وجالك
لأنك شجاع "ن" عارف "ن" بالتدابير *** كل الخصال الطيبة من خصالك
يا سيف أبو متعب بوجه المغابير *** واللي يعادي السيف لا بُد هالك
واهل الفتن ما هِبت منهم طوابير *** راعي الفتن تكفيه هزة عقالك
معروف طيبك والكرم والتياسير *** ومن الجمر والنار تشكي دلالك
وما للكرم والحلم عندك معايير *** الرزق من ربك وربك عطالك
نصرت شرع الله وزدته تناوير *** أبشر يجيك الخير والخير فالك
سطرت اسمك في التواريخ تسطير *** سِر يا ولي العهد الدرب سالك
ماني سعودي بس ما هي تبارير *** لو أن شعري ما يوفّي مجالك
ما جيت ابمدح والقصايد تعابير *** الكل يعرف منك وافي خصالك

وإلا القصايد باقي اشوي وتطير *** والود ودّي جيت ثم جبتها لك