السيف الأجرب

«السيف الاجرب يداوي راس من به جرب»
في دولة العزّ والاسلام والمسلمين:
دار الحرمين نحفظها بعين وْهدب
حنّا بحكم الشريعه للبلد حاكمين:
نحكم بمنهج كتاب اللٓه «خير الكتب»
حنا على السنّة السمحة، بها مقتدين:
والغاشم اللي يعِيل! نْعاقبه، ويْعقِب
حنا النشاما هل العوجا، ودنيا ودِين:
حنّا السلاطين والساده، شيوخ العرب
حِنّا الرِجال، الثقاة، القاده، العادلين:
للطيب والمرجله والمعرفه ننتسب
حِنّا نعزّ الصديق، وْ نردع المعتدين:
والسيف الاجرب يداوي راس من به جرب
اللي يحاول بخبثه يفجع الآمنين!:
نذبّ راسه عن مْتونه بسيفٍ حدب
حنّا درينا، ونعرف من هم.. التابعين:
للفرس.. والذيل يبقى طول عمره ذنب
حنا الحقيقه! سعوديّين متمسّكين
بالدين، والشرع، والسِنّه.. وصدرٍ رحِب
حنا اصدقاء الصدوق، وْننبذ الخاينين
يا ويل من يستفِزّ اِصدورنا والغضب
حنا نسيج اِجتماعي دوم حبله متين
من يقربه! طاح في نار وْجحيم وْلهب
حنا العرب..بلِّغ الأقصين، والأقربين
المرجله والشهامه، والنسب والحسب