هدية حب

حلفت إني فلا أبخل بالهدايا يوم حبيتك
ولا أقصر معك في شيء لو قصرت يا الغالي
وبأعفي عنك لو تخطي وإذا جافيتني جيتك
أجيلك لأنك أنت اللي من أحبابي على بالي
عطيتك دمعتي وأشواق وجداني وناجيتك
وغنيتك قصيدة حب في حلي وترحالي
منحتك قلب ينبض بالمشاعر قلت ذا بيتك
تعال اسكن بقلبي دام قلبي يا غلا خالي
حبيبي وأنت قصة في كيان الروح خطيتك
رواية حب صعبة ما لها أول ولا تالي
بغيت أنساك لكني تعبت وما تناسيتك
لقيتك غايتي وأحلام قلبي وآخر آمالي
حبيبي وش بعد ينقص وأنا اللي عندي أعطيتك
ولا باقي معي غير إني أترنم بموالي
وكانت روحي أغلى ما ملكت وقمت وأهديتك
هدية حب من عاشق إلى محبوبه الغالي