حروف شوقك

ياليل لا تفتح على همي الباب
المغترب ياكبر ياليل همه
والدمعه اللي بللت سود الأهداب
هي حيلته يوم افتكر دمعة أمه
ياغاليه ماللفرح فيني أسباب
مغليك لولا دمعتك وش يهمه
نبرة حنينك كلها لوم وإعتاب
وإحروف شوقك حزنها كيف المه
منك اكتسيت ابغربتي ثوب الاتعاب
أطرد خيال القرب وازريت أضمه
أخاف من طول البطى عنك وأرتاب
طول المدى للمغترب كاس سمه
ياكيف صرنا بالوصل مثل الأجناب
ورد الوصل يصعب علينا نشمه
لو للمنى حيله على وصل الأحباب
كان المنى وصلك من آمناي تمه
مشتاق لك لكن قضى الوقت غلاب
حكم الزمن بعدي وأنا ابغاك يمه
واللي جعل دمعي على الخد صباب
يا حاجتي لك مثل جسمي لدمه
هاني الزنيد