رفيع الذات

ياشبيهين الرجال وياعديمين الرجوله
وياكثيرين الكلام وياقليلين الفعايل
الخيانة والغدر والمنذله ماهي بطوله
قبح الله وجهكم ياهل المذله والهزايل
من يبي يغتال مايغتال من تفداه دوله!
كيف واحنا للوطن درع الوطن والشك زايل
يامحمد يابن نايف مثلكم يصعب وصوله
كلنا دونك نحد السيف يانبع الجمايل
يارفيع الذات يامن فخرنا كله فعوله
يالسموح ويالشجيع وياعلى المخطي هوايل
انت مثل الليل الاسود خاف عدوانك حلوله
ساطي ابشمس السطاوه ليل عدوانك قوايل
وانت مثل الديم شعبك يرتجي لحظه هطوله
صار حبك مثل عاده ماتناستها القبايل
لو قلوب الشعب تنطق كل قلب ايجيك قوله
ماسمعت الا عسانا عنك نرسلها رسايل
واللعين اللي غواه الشر واغوته العموله
مطمعه فيكم وحال الله على شره بحايل
كلنا منه انتبرى مابنا راضي قبوله
ذله الله يوم جاكم بالمكيده والتحايل
مادرى عن دين ربه ماعرف سنه رسوله
ماسوى حقد وضغينه في سواد القلب شايل
يحسب ان اللي بباله لابعث حيه يطوله
مادرى انه ماسوى موته بغيض الوجه نايل
هاني الزنيد الحارثي