عهد سلمان

مشاعر ولاء يا موطني والولاء لا زال
تجدد مع أحداث الليالي براهينه
وفا واعتزاز وبيعةٍ صادقة وأفعال
عليها إمضاء الشعب السعودي وتدوينه
وتمر العقود وطابع الحال نفس الحال
أبد ما تغيّر عهد شعبٍ حفظ دينه
عطاء العهد رجل المعجزة مفخرة الأجيال
معزّي وربي جاد نصره وتمكينه
بناء دولته صقر الجزيرة وصال وجال
وشعبه عن أيسر ناظر الليث ويمينه
ودفع فارس التوحيد بالحال قبل المال
بسوق المنايا لين طفى براكينه
له يوقف التاريخ فخر ووفا وإجلال
صدارة شموخ المجد ترسم عناوينه
ملك ملحمة تاريخ شامخ ومجد رجال
ما مالت عن الشرع الحنيفي موازينه
يا موطن هل التوحيد عنك الصحيح يقال
تشرفت من ربي بخدمتك بيتينه
وأمانة بطل موسوعة المجد والأبطال
حفظها حكيم الرأي سلمان ويدينه
أمينة على حفظ الأمانة وعدله طال
شعوبٍ عن استقرارها ما غفت عينه
رعاها ويعتز الوطن وأبلغ الأمثال
هذا عهد سلمان الحزم طالت اسنينه
يقول ويطول وموقفه ما عليه جدال
خطابه تشرف كل الأمة مضامينه
وساعده الأيمن وافي الرأي والأفعال
طموحه كبير ويدرك المجد من حينه
محمد.. محمد لو تصير الحمول ثقال
حملها ولد سلمان من فوق متنينه
عليه الوطن علّق عقود من الآمال
عسى الله يبارك في مساعيه ويعينه