لآلئ شعرية

طيفه يمر الحنايا.. ما يعبرني
ما يدري إني بعد هجره.. تمنيته
بالله بالجرح تكفا .. لا تذكرني
يكفيني إنه طلب قربي.. ورديته
هو سيد القلب.. ينهاني.. ويامرني
سطا عليّه غرامه.. لين حبيته
أدري.. يهل العباير لا تذكرني
ويفز قلبه بلهفه لا تعديته
ويدري بحبي.. وعهدي له.. وخابرني
تضيق فيّ الوسيعه.. كان خليته
أبعتذر لين يصفح لين يعذرني
حتى يحس بشعوري لاتباطيته
أنا الطواري على ذكراه تجبرني
هو يحسبني نسيته؟ ما تناسيته
أقدر أبيعه كذا كان متصورني
وأنا على العهد ما قد يوم جافيته
وطيفه يمر بخيالي ما يعبرني
ما يدري إني على الغالين بديته