سلمان الحزم

يعيش سلمان الحزم والبطولات
ليث العرين وحامي الدار والدين
وقف مثل وقفت جبال السراوات
ورفع يدين الحق بالعسر واللين
نصح عداه وكرر النصح مرات
قال احذروا قبل يجي الصاع صاعين
لكن تمادوا واحتزم طيب الذات
وقال ابشروا والجار حقه على العين
«حنا هل العوجا ولابه مراوات»
للجار ريف وللمعادين عسرين
ونادى صقورٍ جاهزه للمهمات
متخصصه في دك روس المعادين
خلت اراضيهم جهنم بساعات
وزلزل تحتهم روس الاجبال والطين
ودعس على روسٍ بها الحقد غايات
واللي سعى في دعمهم شاف بالعين
شاف الصحيح ولكن الوقت قد فات
وماتو بحسرتهم على الويل والبين
بك نفتخر يابو فهد كل الاوقات
ياعز دارك ياحفيد السلاطين