جمرة الشوق

في جمرة الشوق تكفى لا تسريني
ياحي زولك حبيبي حي بي ليلك
لبيه لبيه يا اجمل ما هوت عيني
لبيه والنبض من قلبي يلبي لك
ياللي عيونك تبعّدني وتدنيني
ما كنها الا تقول اصحاك يا ويلك
وسلهام رمشك سرق شعري وتلحيني
واصبح لك احساسي وشعري ولحني لك
ليل الهناء عاد لي يا فرحة سنيني
حذراك تجفى هوى قلب المهلي لك
من عقب ه الليل لا لا لا تخليني
يكفي غيابك ورى غيبة مراسيلك
مريض دونك وغيرك من يداويني
انت الدواء عقب الاجهاد وغرابيلك
ويا الشوق غربلتني واشغلت حاديني
من كثر من طل فيه قال يا حليلك
لا عاد ترجع وتشقيني وتبليني
عفتك وضاقت دروبي كم لتنكيلك
ان كان يا شوق؟ تسمعني وتوحيني
الله يستر عليك .. الله يسوي لك