هدية ذكرى ميلادك

في ليلة ذكرى ميلادك
عساها تكثر ذكرياتك
أبارك لك
وأدع لك
في ليلة ذكرى ميلادك
@@@@
حضرت وجابني شوقي
ولا ادري..
من الداعي؟!
من اللي وجه الدعوه؟!
وزاد اليوم بأوجاعي..
هي جروحي؟؟
هي أشواقي؟؟
أو انه حبي اللي مات؟؟
خساره.. يا زمن مريت..
سنه مرت على فراقك
سنه مرت ولا حنيت
سنه مرت على أشواقك
سنه مرت على قلبك
حسبها خافقي أعوام
سنه مرت على قلبك
وأنا أطوي جفا الأيام
سهرت الليل
وذقت الويل
وعانقت الأماني حيل
ولا جيتي..
@@@@
في ليلة ذكرى ميلادك
أبارك لك
واقدم لك..
هدياتي..
ولكن مثل ما قالوا..
يكون الجود
من الماجود
ولا تشره على العاطي..
أنا ما عندي إلا جراح
ودمع وخافقن نواح
وجرحن دمعته سالت..
ولا به من يجففها..
وعندي صورتك يا حب
وأنا اللي حاضن كفوفك
في ذكرى ميلادك
في عمر الماضي من العام..
ذكرتيها؟؟
عرفتيها؟؟
سنه مرت على الصوره
وذكرى الحب محفوره
على قلبي..ولا هانت
خذي دمعي مع الصوره
وخلينا نشوف اليوم
من اللي يحضن كفوفك
في هذا العام؟؟
تركي بن ناصر السعيد