سلطة أناني

جديد سعد الدوسري نشتاق له اشتياقنا للمطر .. هنا هطول لا ينقطع لشاعر يتشكل لنا سحائب ابداع لا تترك وراءها الا ما يسر الأعين ويبهج النفوس ..
الطريق الي كسا وجهه سماره==0==
==0== والجفاف اللي شرب سيل الأماني
ماثنت قلب الشقا وأنهت مساره ==0==
==0== يمكن إنها زوّدت فيه التفاني
وأدري إنه صدق تعريف الخساره ==0==
==0== إنهدام أحلام عمرك في ثواني
راحت أقلام العمر تكتب عباره==0==
==0== هو بقى في الوقت هم ولا عطاني؟
هو بقى للحب ريضان وقراره ؟==0==
==0== هو بقى للعاطفه عد وسواني؟
كني ألهمه الذكر عند إحتضاره ==0==
==0== وكنّه الي يوم كفّنته رثاني؟
وأنت يا اقرب من ضيا الصبح لنهاره ==0==
==0== شفتك أبعد من سما النفس لهواني
أنت يا من سقت قلبي لإنتحاره==0==
==0== شاربٍ كاس المواجع منك أعاني
نلت في ترتيب الأحباب الصداره==0==
==0== آه يا اغلى من رقا سلّم كياني
خدّك اللي علّم الورد النضاره ==0==
==0== وكن عينك يم ورموشك مواني
وكن عودك لا وقف عقب إستداره ==0==
==0== يلتفت يا الخيزران : إشحذ ليانِ ؟
والقمر لو تخزره طاح بمداره ==0==
==0== قدّم فروض الولايه والتهاني
خذت تاج الحسن في الغيد بجداره ==0==
==0== شفتك تطق إصبعك بين الغواني
وكان ما شفت الغلا عند إنتثاره ==0==
==0== وإنكسار الذات ف طوال اليماني
ولو مصير الآدمي حسب إختياره ==0==
==0== كان خبّيتك هنا بين المحاني
ومن نشدني عنك ردّيت بمراره ==0==
==0== مابه إلا طيف ذكره لا ضواني
كان جنبي بس قدّم لي إعتذاره ==0==
==0== في الرحيل وقلت : ما أبرح مكاني
لين يرجع منوة الروح بزياره ==0==
==0== وأدري إنه ما يرد إلا عشاني
ودي إنك روض مايسهج خضاره ==0==
==0== غير قلبٍ لأمرحت عينك شعاني
شحّت الغربه عليه بشوف داره ==0==
==0== وقصّرت كف البخت وأمحل زماني
وأعتبرها فن ، أو لعبة شطاره ==0==
==0== وأنت كيفك سمّها سلطة أناني؟