حِيل القصيد

ياربنا ياللي لياضاقت بعبدك واستباح
..........يدعو ليامنه جلاثلثين ليله علّها
ترفع وتقبل يا إله الكون عفوك والسماح
..........وان الخطايا والذنوب العشر تمحى كلّها
وانك تخفّض من جناح الذل والذل الجناح
..........من التقى ومن الدعا باسماك نفسي دلّها
اليا الصراط المستقيم الحق والفكرالصلاح
..........ان شئت تهدي نفس عبدك في الزمن وتضلّها
من كف عطفك والرضى والجود ودروب النجاح
.......... والجنه اللي كل مانعمل لها يعملّها
وان العيون الساهره من المسا حتى الصباح
.........."يلزم عليهالاقبلت بنت الشعرتقبلّها
وماتاخذ الاّ من سمان الهرج لوجيه الفلاح
..........اللي ليامنها تباهت بالشعرحقٍّ لها
في ساحةالابداع والتفكير والنشرالمباح
..........افكار يجمع دقّها وافكار يطرح جلّها
حتى تبرر غاية الشاعر وسيلات الكفاح
..........اللي لياحطّت ثقيلات الحمول اشتلّها
حيل القصيد اليا كتبناماتقوم الاّ لقاح
..........وليا انقضت صم البيوت المبهمه نفتلّها
في وقتنا هذا تبي او وقت مروين الرماح
..........هذي عرب نهرجلها وهذي عجم نرطلّها
ونلبس من فعول المراجل والكرم ثوب ووشاح
..........اقولها واللي عقد روس الحبال يحلّها
لله درك ياليمين الطيّبه بين الشحاح
..........اهل اليدين اللي كثرها مايفارق قلّها
وليا عقدنا الراي بالفكره قبل ننوي المراح
.........."كلالدروب اليا القمم والنايفات اندلّها
ومانارد الاّ يازمان الشح للعد القراح
.......... ويهل السيوف الحدب نثنيها على من سلّها
ونعرفك يالقلب الشقي اللي بهمه مااستراح
..........والشجره اللي باسقه ولا يظلل ظلّها
والحيله اللي عذرها نطّح هل الصيحه صياح
..........نقضي عليها والقلوب السود تشرب غلّها
لكن وش عذر السفينه لانقلب سير الرياح
.......... اما مع سير الرياح تروح ولاّخلّها
هي هكذا الدنيا كذا حيٍ بكاله حي راح
..........لكن صل اللي بقالك من صلاتك صلّها