الشعر وش حظنا فيه

ياسكن ٍ قلبي علامك تشرّه
يومك تقول الشعر وش حظنا فيه
الشعر مايثبت غلا كل درّه
والحب مايوصف ولا شيّ ٍ يحاليه
بحر الهواء مشروك حلوه ومرّه
وعلاج من غاصه حبيب ٍ يصافيه
واسراج نور اثنين في جوف جرّه
يحفظ عن الهبات لاياه تطفيه
ياعنق ريم ٍ جافل ٍ وسط حرّه
اغرقتني واتعبتني في طواريه
كم مرة ٍ سامرت نجم المجرّه
اسلي الخاطر وادرج قوافيه
آخذ من الليل المخرمس مسرّه
سهرت نصف الليل واول تاليه
خالد الجريش الرباعي