طواري !!

الحب مثل الوقت يضحك ويبكيك
ضحكته، لدروب المفارق مواري
حاضرك، بكره يعتبر ضمن ماضيك
وماضيك دايم للهواجيس شاريك
شفني هنا مابين ذكرى لياليك
حتى طيوفك ل الثواني تباري
ارتب غيابي ..وانا خاطري فيك
والقلب في برد المقادير عاري
ايامنا حلوه .. وحلوه موانيك
ايام ماكان الوصال .. اختياري
واليوم يبعدني الزمن عن محانيك
موج الزمن خاين وبارد وضاري
ولا كفاه انّه يحرّم شواطيك
موج الزمن كسّر جميع الصواري !!
وان كان مرتني عباير طواريك
كلٍ درى لو كان ماهوب داري
من ياخذ العبره ليا مرّ طاريك؟
وأنا حياتي في غيابك: طواري
لو ماتبيني، لونّي صدق ماابيك
ماشفت من بين المعاليق ناري
ماهيب ف يديني ولاهيب ف يديك
ماعاد اشوفك بعدها في دياري
ياصاحبي رغم المقادير يكفيك
(دارك ف قلبي.. قلبك اكيد داري)