معقول

والله ما اغتبتك ولا جبت طاريك
معقول أهين اسمك عقب دمع فرقاك
والله ما تسوى علي يوم اخليك
عرضه لمنهو في غيابك تمثناك
انا على خبرك على حطت يديك
يوم انت مقفي والزمن راح قفاك
اتشوف دمعي في وداعك وانا ابيك
تقول لي ما ابغاك روح وانا ابغاك
عذرك بتلحق مابقا من لياليك
وتدري انا ماني مع الناس لولاك
ينوح قلبي لا ذكر همس اشافيك
حتى تبين بمدمعي صورة شفاك
يومك تقول الله معك روح مابيك
اذكر صفير اذني وانا اقول وش جاك
وانته تجاوبني بتلويحة ايديك
يا قو قلبك ليتنا ما عرفناك
وهالحين يا جرح الحشا وين اوديك
كنت احسبك زاير وثاريك شكاك
ليتك على ما قيل شيٍ واخفيك
والله لاحذفك بالدجى لاجل ما القاك
بالله قلي بعدها ويش اسميك
دام انت مزعج هالشكل كيف ابنساك
والله ما اغتبتك ولا جبت طاريك
مجنون اهين اسمك عقب دمع فرقاك