عسى الخيال اللي به البرق سمار

يسري به الساري على ضوح نوره
لا جا على الديره سواء هل الامطار
دارن على زين النبات مخبوره
فيها الخزامى والنفل كنه اشجار
تحلى به الجلسة بمنظر زهوره
لا جيتها يا سعود وقفت محتار
ترجع لي الذكرى بمنظر زهوره
من عقب ما هي ديرتي صرت مرار
اشوف ضع الوقت واشوف جوره
من يا من الدنيا بتسقيه الامرار
لا بد من عقب الحلاوه مروره
الرابح اللي حاسب النفس تكرار
يعرف خطا نفسه ويعرف قصوره
محدن وثق فالوقت والوقت غدار
كم ديرتن عقب الوناس مجهوره
غنام مسعود القريني - نعام