حالتي والطقس

أنا لي ثمان سنين يا الباحث الزعاق
تمر الفصول الأربعه جوها جوي
يمر الشتاء ويجمد الدم في الأعماق
وأنا في اليالي الباردة ويش أبسوي
أعيش اليالي بارده وأرجي الاشراق
يزيد بدفا شمس الضحى واهج الضوي
وإذا جاء الربيع وقلت بيزين الأخلاق
خضار الفياض وشوفة الأرض متروي
يجيها الخريف وتابس الأرض والأوراق
وتساقط ورق غصنٍ من الوقت متلوي
بعدها يجينا الصيف والواهج الحراق
وتزيد الحروق بقلب بالحب متكوي
يقولون يا الزعاق من يأمن البراق
مخايل مزون الصيف والبرق والنوي
مزون الغلا من بحر جده لهم تنساق
ومن زود شوقي ساقها منخفض جوي
تسوقه هبوب الوجد من مغرم مشتاق
تراكم سحابه باثقل المزن متقوي
مابين الضلوع الحدب اله بارق شعاق
تهامل مقاديمه وبالشوق متروي
هذي حالتي والطقس يا الباحث الزعاق
تمر الفصول الأربعه كيف أبسوي
نشمي بن مقعد نايف العتيبي