بيت وصدى

كان بيت الاسبوع من طرح الشاعرسميحان فهد السويدي من الرياض
حول ضرورة نشر الوعي بين المواطنين في التعامل مع كل المواد الخطرة والتعرف عليها عن طريق الاعلام المرئي بالدرجة الأولى والاعلام المقروء والذي يقول
نشر الوعي مطلوب في كل الاعلام
حول المواد اللي علينا خطيرة
وكان الصدى من الشعراء
نشر الثقافه بالاذاعه والافلام
ومن قام بالواجب لزوم يديره
والى اكتمل هذا على طول الايام
سلمت حياتك ياعريب العشيره
واللي يخاطر يجمع اشرار واثام
والناس تنكر فعله بكل ديره
علي رشيد الرشيد - رياض الخبراء
اعلامنا منبر منيرٍ للافهام
كل الثقة انه يواصل مسيره
في نشر وعي المجتمع بهرج واقلام
يبحث مواضيعٍ تهم كل ديره
منها مواد التغذية وكل الانعام
وماهم حياة الفرد صحة وغيره
نشر الوعي ماهوب خط بالاقلام
ولاهو كلام نسمعه من خبيره
الوعي موجود على دين الاسلام
حذرا تفطن والمواقف عسيره
ترى الخطر في لحظة ماله علام
يجيك مثل النار تاكل سعيره
في غفلة تاقف لها كل الاقدام
تروح نفسك لو عيونك بصيره
حمد عبدالله الوايلي-حوطة سدير
هذا هو الواجب حيث الخبر هام
نبعد عن الأخطار ونرفض مسيره
النصح مطلب وراعي الشر ينلام
وحب الوطن معروف ما فيه غيره
لازم نوجه ياجماعه بالاعلام
قبل الندم ياصاحبين البصيره
ريان محمد الخنيفر-الرياض
إعلامنا المرئي من اعلامنا الهام
ولا همّنا اعلام من كان غيره
لكن له تقصير في نشر واسهام
لو ساعة ضمن البرامج قصيره
حول المواد اللي لها اضرارٍ جسام
على حياة الناس في كل ديره
سعود سعد العتيبي -الرياض
يا حيث بعض الناس في عينه عسام
يبدي على الموت المحقق مصيره
لا علم لا مفهوم لا خوف ما دام
مر الحوادث والتقطها نظيره
هذا الفضول اللي يوديه الاعدام
ما دام يهمل بالنصيحه خبيره
محمد بن نايف بن بنيان
بيت الاسبوع
بمناسبة شفاء حبيب الشعب خادم الحرمين الشريفين الملك عبدالله بن عبد العزيز ال سعود حفظه الله ورعاه ارسل للصفحة الشاعر فزاع عبدالله الشمري من حايل هذا البيت
فرحة شعب فرحة وطن فرحة العيد
طلة ابو متعب لنا بالسلامه
نستقبل صدى هذا البيت بثلاثة ابيات فقط تدور حول هذه الفرحة العارمة
ويفضل الارسال عبر الإيميل rb-khozama@alriyadh.com
او على الفاكس (01/4871070)
مقترح لموضوع بيت الأسبوع القادم
بعث للصفحه الاخ فهد المهوس مقترحا لبيت الاسبوع القادم وهو الاخطاء الطبية الفادحة في المستشفيات