عواكيس

* الاخ معوكس ما هو تبريرك لرحيل اسامة هوساوي الى النادي الاهلي وبرأيك متى بدأت المفاوضات؟
عبدالله الرديني- الاحساء
- بدأت بعد انشاء "كوبري" الشميسي!
* ماذا لو كنت يامعوكس حكما في اي لعبة، هل تسمح لأي شخص بالتدخل وتعديل تقريرك والا تقرر الاعتزال وتقول كل الرياضة لكم؟
راشد الدوسري - الخبر
- اقول كلها لكم وتهنوا بها!
* ماذا تفسر لنا يابو العواكيس تصريح محمد المسحل عندما قال استطعنا ان نعد منتخبا شابا متجانسا.. طيب نسى ان مصطفى بصاص وبعض الاسماء الجديدة ما انضموا للمنتخب الا قبل مباراة الارجنتين بايام، متى اعدوا المنتخب ومتى تجانسوا؟
بدر الرويلي - الجوف
- شكل الخطة بعد تجانسوا!
* الاستاذ معوكس لماذا اي مباراة يقودها خليل جلال ويصير عبدالغني موجود يكثر اللغط وتحدث الاخطاء المؤثرة؟
احمد السعيّد - بريدة
- الصداقة صعبة قوية!
* خفيف الدم والظل والجسم معوكس كيف يقول احمد الفريدي انه راعى ظروف نادي الاتحاد ولم يراع ظروف فريقه السابق.. وش اللي تغيّر عنده؟
محمد العوفي - المدينة المنورة
- شكله راعى ظروف الوكيل!
* الحمد لله يامعوكس ان مانت مدير والا كان تقارير الموظفين عندك تعدلت فيها واجبرتهم على كتابة اللي في بالك؟
عبدالعزيز الهاجري - نجران
- الله يخلف بعذر التحكيم لو دحدر مع طلعة كرا!
* كيف رأيت حكم مباراة هجر والهلال في درجة الشباب تتوقع له مستقبل؟
فهد العلي - الرياض
- رايت المقرر اللي كلفه وعرفت الحقيقة!
* مهندس الاجابات معوكس.. صحيح اللي سمعنا ان فيه حكم جديد احتفل مع انصار فريقه بمناسبة خسارة الفريق المنافس ممكن تعلمنا باسمه؟
خالد الراشد- تبوك
- قبله قديم احتفل ب "العجراء"!
* صحيح يامعوكس ان خالد المعمر رايح يشكو احد اعضاء لجنة الانتخابات لأنه يطالب بعض اعضاء الجمعية بالتصويت لاحمد عيد عشان يفوز ويخسر المعمر؟
تركي القحطاني - ابها
- وتصير الانتخابات مطرسة وخيقي بيقي!
* وش اخبار يامعوكس عضو اللجنة اللي بس يردد عبارة (اعزكم الله) في الاجتماعات يوم كان عضو في احد اللجان؟
سعد الفالح - حفر الباطن
- عساك منتاب هو لا ليله ليل ولانهاره نهار بعد مانكشف!
* الحبيب ابو العواكيس ما لاحظت مخرج مباراة الهلال والاهلي يعيد الاخطاء اللي على الهلال بالبطيء عشرات المرات
نواف الصيخان -حي الفلاح
- المساعد عاوزكده!
* صاحب المليون رسالة وش قصة معلق مباراة الهلال والاهلي شكله تضايق من اهداف الهلال وين الحياد؟
بندر العصاي - عنيزه
- الحياد راح مع الرمضان وعلي داود!
* قاهرهم وحابس دمهم ابو العواكيس ودي أعرف من اللي يكلف المعلقين اللي ذبحونا بالصراخ كنهم في حراج ابن قاسم؟
حمد الدوسري - ابو مبارك - العزيزيه
- ما تفرق حراج ابن قاسم ولا سوق الحمام!