نهني الشعب السعودي على الدوم

عيد الوطن عيدين والثالث اليوم
عيد تباين فيه كل الجلايل
تبنى مصانع يوم والجامعة يوم
يومٌ جنوب يوم تبنى بحايل
فى الشرق ومن الغرب تطوير بالكوم
شوف المشاعر ما لاحدها مثايل
تطوير مدروساً صدر فيه مرسوم
وكلاً مخصص له بنود هوايل
من كف عبدالله محدد ومقسوم
ميزان عدله شامل بالفضايل
الشعب مرتاح وهو دوم مهموم
والله مثله من يسوي قلايل
بس الوطن غالي وهو فيه ملزوم
حمل ثقيل وقادراً له وشايل
حمل ذخره أبوه عساه مرحوم
تشهد له البيداء وكل القبايل
شال الحمول وجدد العزم بعزوم
ولكل حاله واضعاً له بدايل
حبيب شعب وله ولا الشعب مختوم
بكبارهم وصغارهم والسلايل
أوجد جديد وجاب للشعب معدوم
وطور وجدد بالعمل والوسايل
له الولا غير الغلا سبعة أنجوم
من شعب صادق حاضره والعوايل
ونهني الشعب السعودي على الدوم
فى مقدمتهم من تحوش الجمايل
عبد الله وسلمان وربوع ولحوم
وكرام شعب المملكة والشبايل
واحمد سليل المجد يعله يدوم
لطام للعايل ولا عنه سايل
آل السعود وشعبهم رؤس وقروم
أفعالهم في الكايدات الدلايل
تجود بالموجود بالفطر والصوم
غيثٌ وديمه للمواطن شلايل
لو حط لاهل الجود باقات ورقوم
شيوخنا دايم تصير الاوايل
والله يديم العز والامن محكوم
بكتاب ربي والعز والصمايل
مبروك النامي