الأمل يعزف على فوزك نشيده

يالرياض (الجائزه) ما هي جديده
عادتك بالفوز ما نحصي عددها
حزتي الأول وصرتي به فريده
والفرايد دوم يزهالك جددها
يكفي (القراء) في فوزك شهيده
والمحافل شاهده والله شهدها
يا ربيع الحرف يامجده وعيده
يافخر كل الجرايد ياعمدها
والله انك في مزاياك العديده
ماقدر يحصي عددها من سردها
ووصف فوزك ما يعبر في قصيده
وشمس عزك ماحجبها من جحدها
يا شبيه المهرة الصفرا الشريده
بالسبق عجز المصور مارصدها
لا اسرعت كنه علق فيها وقيده
دايم (الأولى) ويتعب من بعدها
والأمل يعزف على فوزك نشيده
عارف أن السابقه تطلع بيدها
خلف كل انجاز فيه أيدي تجيده
تصنع امجاده وتركض في سعدها
ومن تكاسل ماينول إلا البليده
والمعالي حظها للي وردها
يالفريق اللي صنع مجد الجريده
جبتها في هامة القمه وحدها
لين صارت في تميزها وحيده
والزمام بحنكتك جبته ليدها
يالرياض ادارتك دايم رشيده
حققت يجهودها صادق وعدها
واختصر هالقول في جملة مفيده
(الجرايد عزها باللي سندها)
والرياض بفضل ادارتها السديده
الدول بالشرق الاوسط تعتمدها
ماعليها اخلاف والهقوى بعيده
دام من يعمل بها كنه ولدها