تقويم عمري تنثر خلفي اوراقه

سريتها والسحاب يسل براقه
البارق اللي عباة الليل فتقها
على طريق الحجاز النفس تواقه
من خلفي العاصمة بالدرب فاهقها
تقويم عمري تنثر خلفي اوراقه
وانا رهين الهموم ازريت افارقها
ماعاد من بعد رابع عقد لي طاقه
لوكنت ثاني وثالث عقد طايقها
الصدر طول الزمن سكانة اعماقه
صكات الايام تاليها وسابقها
واللي يعيش بمكان وضيق اخلاقه
لوعات صدره مع البيدا يفرقها
والله لولا الذي باسبابي ارزاقه
اللي بلعبه مسراته نحققها
لاغيب غيبه لها الخطوات سواقه
عن ضيقة الصدر اغربها واشرقها
وش حيلتي غير هجر الجمع وفراقه
دام المجالس عصا الديان فاسقها
نياتنا بالوفا والناس بواقه
واهل الحسد بسمة المسرور تسرقها
نادر بن طريخم