يوم اعلن الديوان وفاة سلطان هلت دموع العين من غير ما ادري حرٍ تحدر من سلايل كحيلان يلقاك بالبسمه ولو كان كدري ينصاه من بالفقر طايح ومرضان والا عليه من الصواديف قدري يا ماسح دمع اليتامى بتحنان ويا منفق بالسر واحيان جهري لو غبت عنا بالجسد يا طيب انسان روحك ومنهاجك مع الشعب يسري يا جعل منزالك بفردوس وجنان والموت حق ولا لنا فيه بصري ويا الله تحفظ عزنا درع الاوطان صقر العروبه كل مالاح فجري عبدالله الصيروم هطال الامزان حبه بدم الشعب بالعرق يجري ونايف ولي العهد لنا درع وأمان وزيرنا المحبوب والكل يدري كل الوطن بايعك شبٍ وشيبان ويوم اعلن المرسوم استر صدري وحنا حزامك يوم روغات الاذهان نحمي الوطن من كل طغمة تهذري في راحة الحجاج كلٍ بذل شان والله خيب من نوى فيه غدري واقول للي ناوي له بعدوان بدري عليك الوقت بالحيل بدري العقيد- مرزوق بن مصلح الذيابي العتيبي
