غيث الأرامل والفقارى والأيتام

يا الله يا منزل تبارك والأنعام
يا ربنا اللي نستعينه ونرجيه
تفك أبو متعب من صدوف الأيام
وتطول بعمره وتسعد لياليه
يا خادم البيتين يا فدح الأقرام
أنت المليك اللي حميده مساعيه
القدوة الحسنة لحكام الإسلام
قايد مسيرتنا عسى الله يعافيه
يا نصره الدين الحنيف أروع إمام
ليثٍ بسطواته يهابه معاديه
فيه التواضع والتسامح وضرغام
كل الخصال الطيبة منه وإليه
غيث الأرامل والفقارى والأيتام
وعون المعاق اللي تطوله حسانيه
موفقه ربي على وصل الأرحام
من طيب راسه طول الله مهاليه
يستقبل الجثمان ما هوب ملام
جثمان أخوه اللي عوضه العزاء فيه
ما يقدر يوقف على عرش الأقدام
من وعكةٍ لمت به الله يشفيه
فقيدته فرز الوغى عوق الاخصام
نرجو عسى الله يجبر مصيبته فيه
ولي عهده في الشدايد له حزام
ساعده الأيمن والدفاع متوليه
بعد إن طوت صحفه وجفن الأقلام
نطلب له الغفران من عند باريه
رحل من الدنيا بمترٍ من الخام
الله بالفردوس الأعلى يجازيه
الدايم الله وأشرف الخلق ما دام
في الراحل الشعب السعودي نعزيه
وأصبح خلفنا في السلف سطوة حسام
نايف يوجه مخطي الدرب توجيه
ولي عهد ودام عزه لنا دام
ليثٍ ثقته الغالية فيه تكفيه
مسلطٍ سيفه على حزب الإجرام
ما تبرد عزومه وتضعف هقاويه
حكامنا آل سعود يا أعز حكام
اللي يطاول مجدكم تبت أيديه
نايف بن منيف السبيعي