حماسة خالد العتيبي تشد الجمهور.. وشيلات القثامي تثير إعجابه

أمسية ومحاورة شعرية في مهرجان مرات

احتضن مسرح صالة الجمعية الخيرية في مرات أمسية شعرية لكل من شاعر المليون خالد محمد العتيبي والشاعر طلق عيد العتيبي والشاعر صاحب الشيلات المعروف ثامر القثامي ونظمنت تلك الأمسية ضمن فعاليات المهرجان السياحي الصيفي الثالث بمرات بحضور نائب رئيس لجنة جائزة شاعر الملك الدكتور محمد بن راضي الشريف ومدير شرطة مرات المقدم مقحم بن قاعد الحبيل وعدد من المسؤولين والمهتمين وجمهور غفير من محبي الشعر الذين غصت بهم الصالة، وبدأت الأمسية بتعريف من عريف الأمسية الشاعر ماجد بن عبدالله العتيبي بالتعريف بفرسان الأمسية وتقديمهم للجمهور حيث بدأ الالقاء الشاعر خالد العتيبي بقصيدة ترحيبية قال فيها:
سلام تسليم الوفا واللي وراه
ما دمت فالديرة وأنا راعي محل
حي الله الغالين وأهلا يا مراه
ما نازل ينزل وما رحل رحل
من شاعر صعب القوافي ما عصاه
واليا نوى جزل المعاني ما بخل
أعقبها بقصيدة قال فيها :
بذتني ايامي بكثرالمشاوير
مرات تبداني ومره ابتديها
وازرت تطاوعني وتركب على خير
وأزريت اطاوعها على اللي تبيها
وياكثر عشاق الليالي المغاتير
ولا مجاهيم الليالي تحديها
وختم بقوله :
ولا أقول انا عنترو لا سالم الزير
ومن الهروج ابدابها وانتهيها
بعدها ألقى الشاعر طلق بن عيد قصيدة قال منها:
ترى الطموح اكبر من الحلم لو طاح
لو طاح اشباه الرجاجيل ما اطيح
واقف على ساقي وانا البال مرتاح
ما همني لو كدروبالتصاريح
الى ان ختم بقوله :
هذي علومي كلبوها يا سداح
والعلم واضح ما يبا العلم توضيح
بعدها عاد ( المايكرفون) للشاعر ( خالد) ليبوح بأمنياته ل ( نجد) حين قال:
جعل السحاب اللي حرق كبده البرق
ومن حر ما يونس تشاهق رعوده
ينقاد لا منه نحر وجهة الشرق
وارزم مع الظلماء وسد الحدوده
يثري ثرى الديرة من الضلع للعرق
ويبيح ما كنه ويذكر صدوده
حتى يزين الكيف للعفر والزرق
ويطيب راعي الذوق لا دق ذوده
وعن حب الوطن وقيادته قال الشاعر طلق:
الله يجيرك يا طليق الحجاجين
والله يعزك يا شموخ السعودي
حبك هنا ما بين كل الشرايين
يزود عمرك وحبك يزودي
الى ان قال :
يا رمزنا يا فخرنا يا احمر العين
انت الاسد حامي عرين الاسودي
وقد أبدع الشاعر خالد العتيبي في قصيدة ( الوالدين) التي قوبلت بالتصفيق وحظيت بالاشادة منها
* قال في مطلعها :
لبيه ثم لبيه مرحب وسهلين
يا اعز وجهين ثمرها سنيني
الى ان قال:
ومعهم بلا كم ومتى وشهو ووين
لا ليه كيف ودينهم في وجيني
ما دامي اسبرهم على الارض حيين
يا ثالث الاعياد لا تحتريني
استبدل الدنيا بضحكة حجاجين
وبهم عن اللي كنت أبيه ويبيني
وامين من جودك ومن جودك امين
يا لله عسى الجنة جزاء والديني
كما تخلل الأمسية تقديم عدد من الشيلات للشاعر القثامي حظيت بحسن الاستماع من الجمهور والتفاعل وقوبلت بالاعجاب والتصفيق الحار.
واختتمت الأمسية التي ساهم في انجاحها وتنظيمها الجهود المبذولة من أعضاء لجنة المهرجان كل من الأستاذ سعود بن سليمان الدعجاني والأستاذ مبارك بن عبدالله الدغيلبي بتكريم فرسانها بدروع تكريمية تناوب على تقديمها كلا من د0 محمد الشريف ومدير شرطة مرات .
من جهة أخرى أقيمت في نفس اليوم ومن بعد صلاة العشاء محاورة شعرية لعدد من شعراء الرد المشهورين على الساحة وذلك في ساحة الاحتفالات البلدية بمرات ومنهم الشاعر ثامر خويتم العتيبي وسعود فهد العتيبي وسعود سعيد حضرها جمهور غفير من عشاق فن المحاورة من مرات وماجاورها.
حضور الامسية