لحمة وطن

لحمة وطن لمواطنين وحكومه
لحمة وطن لمواطنين وقابيل
حنا لبو متعب وشي يرومه
اصدق ولا يشبه صدوق المخايل
واخوانه اللي واقفين بلزومه
اخلاص احلي من قراح الثمايل
شعب تعلا في عوالي رجومه
بالمعرفه واحلا صفات الخصايل
شعب حفظ دينه ولحد يهومه
تمسكوا بالدين عند الصمايل
لان الرسول أوصى بلما لمومه
طاعة ولي الأمر والراس طايل
واللي يخالفنا برايه نلومه
حتى نوريه النجوم القوايل
ونطوعه لو كان في الراس زومه
حتى يصير أطوع عسيف الرحايل
حنا وطن واحد خوال وعمومه
قابيل تشفي جميع الغلايل
والأمن في داري عسا الله يدومه
في ديرتي مسمع علوم العذايل
واختم كلامي واختصر في علومه
كثر الكلام تسد عنه القلايل
عبدالله بن عبيسان الهذيلي البقمي