عواكيس

* عزيزي المحترم معوكس: متى يفرحنا العالمي ببطولة آه؟.
صديقك سلطان النفيعي
- إذا تعدت النسبة 21 في المائة ونسيتوا الجار
*الأخ معوكس. تحية عطرة عندنا في الحارة رجل قانوني يقول المفترض هبوط الوحدة والتعاون وبقاء الحزم والقادسية وش رأيك؟
عبدالله المطيري أبو نايف- عاشق حي المصيف
- المسألة واضحة ما تحتاج لا قانون ولا سمسميه!
* عزيزي المحترم معوكس رسالة هامة إلى رئيس الهلال: "لا يمكن أن يحقق الهلال البطولة الآسيوية في ظل أنصاف مهاجمين طوال مشاركة السنوات الماضية فالمشكلة في الهجوم السلبي يجب إحضار مهاجم وصانع لعب مميز يفوق مستوى اللاعب المحلي".. أنت بعد الخبرة الطويلة في الرياضة وش رأيك؟
صديقك معاذ الحميد - مرات
- أصلا هو بقى عندهم محلي العابد وخذوه الاولمبي قبل غالب وسعود حمود والجيزاوي بأسبوع!
* عزيزي معوكس صاحب الابتسامة الساحرة تحية طيبة وبعد: سؤالي لك أين الاتحاد الآسيوي لكرة القدم تجاه الجماهير الإيرانية وموقفها مع البعثات السعودية مع العلم أنهم منحاسين بالانتخابات بس بيني وبينك شكل الدعوة تطنيش في تطنيش الله يهونها وشكرا لك؟.
يوسف الحربي - اليرموك
- الاتحاد الآسيوي دايخ بضربة بلاتر الفنية القاضية!
* المحترم أبو العواكيس بصراحة وش رأيك في المدرب الوطني الحميدي العتيبي وقيادته للعنابي الذي أحرج الهلال على أرضه؟
فيصل عايش- المجمعة
- أقول بيض الله وجهه وما قصر!
* صراحة صدمنا منصور البلوي يابو العواكيس وين اللاعب العالمي وابرز لاعب سعودي اللي قال انه يبي يهديهم للاتحاد؟
محمد الخثعمي- الدمام
- طلع ميسي النجعي!
* كيف توهق الشباب والهلال بإشراك رادوي والسعران وهل لديك تفسير مقنع للائحة يامعوكس؟
صالح العتيبي- الدوادمي
- رادوي طلع منها والسعران طلع الأمين سياحة على الكورنيش!
* إلى محلل الكوسة معوكس لماذا لا تنشئ قناة وتجيب الأصدقاء والأهل والناس اللي "تدعمك" وتستضيفهم وتريح بالك من الإيجارات والأقساط؟
فهد العويفي- عرعر
-عاد والقناة تبي تعب كلها دكان وطاولتين والملاقيف الحصريين على قفا من يشيل!!
*قاهرهم وحابس دمهم معوكس تحيه وبعد: وش رأيك باللي أزعج العالم عندي هدية لاعب محلي وآخرتها لاعب مغمور
عبدالاله المنصور -السر
-قبله ايتو وفيجو!!
*عزيزي معوكس تحية طيبة: يا أخي وش ذا جماهير الأهلي شغب وألفاظ الله يعز السامعين من صالة الى صالة إلى ملعب والنهاية غرامه والادارة تدافع عنهم ما صارت رياضة؟
عاشق العميد-سلطان السليمان-جده
-مادام الدعوى غرامات ومجاملات الله يستر من الجاي ويمكن الفرق والحكام يجيبون معهم سدادات لاذانيهم ومقلاة علشان يقلون البيض بين الشوطين!
* ما قول إلا سلم لي يامعوكس على بتال القوس ورجاء الله السلمي صراحة انهم يبيضون الوجه ويرفعون الرأس ماهم زي بعض الناس اللي ضيوفهم ناس خاصين؟
محمد العامري- الخبر
- خاصين وحصريين!
* وش قصة محمد نور والبرتغالي نونو بعد مباراة الاتحاد .. الاول نقلوه للمستشفى والثاني جاه تمزق يعني قازهم خلص في ذي المباراة؟
عبدالله العلي – تبوك
- القاز والاحتياطي خلص وزين اللي وصلوا الباص!
* ماهي نظرتك يامحللنا معوكس لمستقبل الاعلام الرياضي؟
خالد العنزي- القريات
- مظلم ومهبب بوجود أبونياق وتلميذه ابن شاكر!
* ما تلاحظ يامعوكس ان امانة اتحاد الكرة ورطت اكثر من نادي واكثر من جهة وين الاحترافية والية العمل السليم؟
بدر العمري- الدمام
- ورطت الجميع ومسكت الدائري الشرقي مرورا ببقيق!
* الاستاذ معوكس نريد التفضل منك القبول بمنصب الامين العام في نادينا حيث يقولون انك فاهم بالانظمة واللوائح وانك تفهمها وهي طائرة؟
قبلان الزويهري – الطائف
-عندكم الامين الكحلي شكله بدون عمل!