عواكيس

* عزيزي معوكس متى تتوقع عزيز ينضبط في التدريبات ويترك عنه الغياب؟
صديقك بندر العصائي - عنيزة.
- شكله ما عنه وعن الغياب لو في التمرين ليلة مهرجان اعتزاله!
* قاهرهم وحابس دمهم ابو العواكيس الله يستر ما تخاف عقب هالاحداث الاخيرة يطلع عليك واحد وعلى قولتهم بالعامية يخبزك الين تعرف الله حق؟
عبدالملك المرشد -عرقة
- حلوة يخبزني والنتيجة تميس والا مفرود؟
* عزيزي معوكس تحية طيبة ليه سعود حمود يرتبك قدام المرمى ويصدم المدافعين؟
النصراوي عبدالاله المنصور- السر
- يبي له وزن فرامل!
* الحبيب ابو العواكيس شكلي ازعجتك كل اسبوع سؤال ومعلومة لكن بالله عليك وش رأيك بقصة احترافي في السد وهي لها سنتين؟
صديقك حمد الدوسري
المؤرخين ما خلوا شيء حتى غلاف الكتاب صورة بسكوت ابو ميزان!
* اغلى صديق عكوسي وش رأيك في مدير المركز الاعلامي اللي يقول ان فريقه هو ابطل على الورق؟
- ان بغى على الورق والا على السمسمية؟
* عزيزي معوكس تتوقع النصر يتورط بعد تألق لاعب الوسط خالد زيلعي وقرب نهاية عقده .. الله يعينهم على دفع الملايين ؟
عاشق العالمي سطام العتيبي - الرياض
- الخطر بعد على برشلونة والريال!
* الاستاذ معوكس تتوقع الحزم يرجع الموسم بعد القادم للاضواء؟
الحزماوي عبودي
- الا ما عنه ويرجع للرمة والامل يونايتد!
الحبيب معوكس وش رأيك في مدافع الوحدة ماجد بلال اللي ابعد الكورة بيده عينك ..عينك؟
مساعد العتيبي- الرياض
تشوفه بعد الاعتزال في فريق اليد!
* الاخ ابو العواكيس ادع معي ان الرياض يعود للاضواء والله اشتقنا؟
عاشق المدرسة ابو ناصر - البديعة
- اجل اضناك الشوق ياقيس؟
* حبيب الكل معكوس شنهو سالفة الاعتداء على مدير الكرة بالنادي "العالمي"؟
سلطان النفيعي -الرياض
- تراه بيزعل وبيروح لبيتهم ويحتر النائب حتى يرجعه!
*أحلى تحية الأستاذ معكوس أبغاك لوسمحت توضح وش قصة عزيز وغيابه الأخير والحارس والمدافع المتسببين في غياب عزيز عن مباراة النصر الأخيرة ودي توضح أكثر بصراحتك المعهودة؟
حمد أبوعيسى- الرياض
- جالسين يمثلون في "شقة الحرية"!
* الأستاذ الكبير معكوس ما تلاحظ أن الادارة الهلالية وحديثها عن الموسم المقبل وأحداث نقلة في الفريق واللاعبين الأجانب سابق لوقته خصوصا أن الفريق عنده حاليا منافسات واستحقاقات مهمة، أوكماالمثل الشعبي تجهيز العصابة قبل الفلقة الله يستر بس؟
أبوخالد الرياض
-لا ... يا كلامهم بيضغط بعض الناس وأنا ابخص!
*معوكس صباح الورد هل صحيح ان الاتحاد الاوروبي طلب الهلال ليلعب في الدوري الاوروبي لمده ثلاثه اعوام؟
عبدالله المطيري ابو نايف عاشق حي المصيف
- هذه قوية... لكن خلهم يبدأون محلياً يعني يلعب الهلال بفريقين.
* صراحة يامعوكس بتال القوس اكل الجو على مذيعي كل شيء ب"رشة"، ارجوك سلم لي عليه وقله برافو؟
خالد الغنامي - جدة
- خلاص ابرسل له سلامك مع نسيم الصباح!
*صراحة يامعوكس ودي اترشح لرئاسة فريقي بس المشكلة عندي موانع كثيرة وبالعربي متشربك في كم قضية والتحقيق على قدم وساق ولادري وش تاليتها، على اي حال انا قررت ارشح الهليل بدالي؟
عمر باسالم - جدة
* الهليل مشغول بفريق الزرادية ومفتاح اربعة عشر الله عقب ما هرب المدرب!