عواكيس

البارح حلمت يامعوكس اني احيي جماهير فريقي، وفيه بعض الأصدقاء قال ترى ابو العواكيس حلال الأحلام ممكن تفسر لي هذا الشيء؟
جابر المضواحي- المدينة المنورة
**اجل أبشر بقيادة مباراة اعتزال!!
- حبيبي معوكس صباح الورد أقول الله يستر الحسن ابو كيتا وصل؟
أخوك عبدالله عبدالرحمن الهديب الدلم
**وصل وأبوعباس بانتظاره!!
- أخ معكوس وش رأيك نرفع قضية على رسامي الكاريكاتير كل مارسموا شخصياتهم تكون أم سعد، أبو سعد نبي رد اعتبار وابعينك محامي لأنك شاطر بالهجوم والدفاع؟
أخوك أبو سعد
**عاد مافيه أبوسعد ألا أنت!؟
- يا ابو العواكيس عن جد قررت وبكامل قواي العقلية ان أراسلك أربع مرات بالسنة علشان أكون خفيف علاك ومنها أوفر قريشاتي ادري قراري صدمة لك بس فات الأوان سلامي لشخصك ياخفيف الدم ولصياد وبشير الغنيم وصحن قايم وقووول والهليل والأحبة الوداع؟
محبك بدر اليعقوب القيصومة
**أما سلامك أرسله مع نسيم الصباح!!
- الأستاذ معوكس ما شاء الله مقرر لجنة الانضباط متحمس مع أخطاء الحكام، ليش ما علق على كوارث مطرف إلا وراء مايحطونه بدل المهنا رئيس للجنة؟
خالد الدرموح - رفحاء
**أتوقع ينتدبونه للفيفا!!
- العزيز معوكس هل تتفق معي ان الحزم أموره مدحدرة، ويبي له واحد يدفه كل ما غرز مثل مطرف؟
خضير الرشيدي - الرس
**ماكل من يغرز يدفه مطرف لازم بطاقة عضوية!!
- الوسيم معوكس وش اللي صار بين الرائد والنصر اللاعب اليوم تلقاه بالرائد بكرا بالنصر وش ذا الميانة حشى مخزن ومستودع؟
عبدالله السالم - الرياض
**هذا الاحتراف وإلا بلاش وسلم لي على الصادر والوارد!!
- ما نقول يامعوكس الا كفو يا»فارس نجد» فحص ياسر الشهراني مضبوط، وخلا الهلال يغير رايه ؟
عقلاء المهوس- الدمام
**هو ياسر بلحاله اول ناوين على شيعان اللي فحصه رائد التحدي!!
أظن انك تؤيدني يامعوكس ان عبدالله القحطاني يصلح دفاع ومطرف رأس حربة؟
حمد الدايس- الخرج
**وعلي المطلق مدير أعمالهم!!
- كيف رأيت مستوى شافي الدوسري يامعوكس وش الفرق بينه وبين ياسر الشهراني؟
سعد الشريهي- حائل
**التسعه مليون!!
- الجميل جدا عقب اللي صار للعريني، صار حتى المهنا يخاف، يعني اللي في بالي ضبطت أموره، والحكام عقب اللي صار للعريني ما يتعودونها؟
محمد الحواس- شقراء
**بعد حكام السلة والطائرة صاروا يرقلون!!
- صراحة يامعوكس ودي أستشيرك في موضوع بكلمة رأس وهو أني نظمت دوري حواري وجبت حكم رابع وصار مشغولاً عن المباراة ما غير يرسل لأصدقائه فريقنا تقدم الخصم أضاع بنلتي، هذا حكم والا مشجع؟
فهد الطريفي- سكاكا
**هذا مايسيطر على ميوله وأقلها ضربتين جزاء مع التحيه للجماهير!!
- تراي كشفتك يامعوكس مسوي نفسك كاتب محايد وأنت ما غير تتنطط بالملاعب وتحيي جماهير فريقك، استح وخل عندك ذرة حياد؟
يحيى المرزوق – الجوف
**الذره واليوارنيوم دورها عند البرادعي!!
- ليش يامعوكس ما شاركت في الرالي يمكن تضرب معك وتجي الاول، ونسميك معوكس منافس باخشب؟
**سعود العبيري- حائل
**الموتر غمارتين مايواجه كنه دفاع القادسية بقيادة الهداف!!
- هل توافقني الرأي يامعوكس ان الدوري ولّع ومحتاجين تحليلاتكم الفنية ولأوصيك بالطربوش الأصلي؟
حامد المطيري- الارطاوية
**الحصريون ماخلو شي وماباقي الا الجح يحللونه!!
- صراحة يامعوكس بعض القنوات توهق وعدوني بالمكافأة اظهر عندهم ويوم خلصت كأس آسيا صاروا ما يردون على اتصالاتي، يعني ماكو مكافأة، صراحة انك حظيظ يامعوكس اللي ما تظهر وشاف الناس خشتك؟
احمد باسعيد - جدة
**شكلهم اكتشفوا أنك ماتستاهلها!!
*عمهم وحابس دمهم أبو العواكيس
تحية وبعد:
- وش بلا جماهير بعض الفرق يصفقون للحكم وش السالفة
صديقك-حمد الدوسري -صديق ابو عبيد- العزيزية
**أحدن يصفقون له وأحدن يصفقونه!!
*الغالي معوكس
تحيه وبعد:
- ماتشوف نواف العابد بعد النجومية دحدر لا انضباط وماغير كروت ملونة وطرد
محبك-عبدالملك المرشد
-عرقة الغربية
**عز الله أن ماضبط بيلحق الجمعان ولا يضمنها في حواري عرقة الشرقية!!
*عزيزي معوكس
بعد المحبه:
- تتوقع مباراة الشباب والنصر تصير نارية
بندر العصاي - عنيزة
**ياقربها من نيران مواجهة التعاون الا أن حضر البلنتي!!