لحمة وطن

دقت هواجيس الشعر مثل الاجراس
وعفت الفراش وعفت معه الوساده
ما نيب متنكد ولا نيب منحاس
ابغى الجزل والراس يبغى قناده
القلب والهاجوس ينبض بالاحساس
مشاعرن فيها الولاء للقياده
حبا على مبداء وحبا على ساس
حب ولاء لاهل الوفاء والسياده
حكامنا اللي فعلهم يرفع الراس
في كل يوما حبهم في زياده
فيهم فخرنا ماله حدود وقياس
هم عارفينه ما يبون الشهاده
لحمة وطن بالحب من كل الاجناس
خلت وطنا دايما في الرياده
هذا السعودي ما تغيره الانجاس
في حب داره زايدا في عناده
ما غره اللي ينفث السم دساس
خاين وطن والقلب زايد سواده
حنا هل الأفعال لباسه الطاس
عن العهد ما نلتزم للحياده
حنا لبو متعب جنودا وحراس
القايد اللي مدنا بالسعاده
من طيب قلبه مالك بحبه الناس
حبه بقلب الشعب عادة وعادة
ولي عهده طيب الراس والبأس
سلطان ابو خالد قويا زناده
عضيد ابو متعب ولطيب لباس
ساس الكرم والطيب يملك شداده
والنايب الثاني له الذكر نبراس
نايف و عن نايف تطيب الافاده
الشعب امن والعدو وسط محماس
من مس امن الدار نكد إرقاده
إخوان نوره جعلهم ستر وإلباس
ما غيرهم لدار ساسه وقاده
سعد الشقحاء