اهني الشعب السعودي بإمامه

يقول من شال القلم في بهامة
وسجل على القرطاس زين التعابير
والفضل للرحمن منشي غمامة
اللي لفى بك يا ملكنا على خير
يا سيدي مبروك على السلامة
يا جعل ما صابك عن الذنب تكفير
يا خادم البيتين رجل الكرامة
دامك الله للوطن والجماهير
انت الزعيم اللي زهتك الزعامة
وأهديك من عندي سلام وتقدير
يا عز من حده زمانة وضامة
يابو اليتامى والضعوف المفاقير
ودامك بخير الشعب هذا مرامه
وبظلكم ما يلحق الشعب تقصير
واهني الشعب السعودي بإمامه
واخوان نورة مقعدين الطوابير
بعودة ملكنا عزه الله ودامه
وحماه ربي عن صدوف المقادير
وصلوا على سيد الأنام بختامه
ماهز عاصوف الهوى بنواوير
فريح الشمري